A Asociación Cultural e Recreativa “O CAIADO” de Foz, organiza dentro do seu programa de actuacións musicais na Residencia de Anciáns Virxe do Carme de Foz a actuación da Coral Polifónica de Foz. Este acto celebrarase o sábado día, 26 de outubro ás cino e media da tarde na propia Residencia. Este é o cuarto que celebra na Residencia de Anciáns a Asociación “O CAIADO”, creada o pasado mes de xuño, e que xa gozan da súa total legalidade ó contar coa aprobación dos seus estatutos. Os seus membros directivos son: Xesús do Breogán como presidente, Chuz Álvarez (Bibliotecaria) como secretaria, Normando Leivas como tesoureiro, e David Méndez e Antón Niñe como vocais.