O 24 de outubro foi o Día das Bibliotecas e os rapaces do Colexio de Primaria “Castro de Ouro” de Alfoz celebrárono o día seguinte, o 25, nun acto organizado pola Delegación de Cultura do Concello de Alfoz, no que o contacontos mindoniense Ton Arenas presentou na Casa da Cultura do concello un espectáculo de monicreques no que o pirata Ollo Birollo e o mariñeiro Moncho loitaban polo amor da bela Marina. Os rapaces pasárono en grande, participando activamente na representación.
