A Asociación Atalaia invítaos a participar o vindeiro día 24 de outubro ás 17:00 horas no antigo lavadoiro da rúa Hornos de Ribadeo á ‘Tertulia de Otoño’. Este ano o tema a tratar será o Cómic, sendo o noso convidado o mozo guionista e ilustrador Kike J. Díaz. Agardamos a súa asistencia á tertulia en apoio aos nosos novos valores. Tamén invitamos aos veciños e veciñas ao paseo, en memoria do debuxante e guionista Suso Peña, que terá lugar o xoves 31 de outubro. Sairemos ás 17:00 horas sendo o lugar de partida fronte á casa que habitou durante moitos anos na Fonte Nova.