O Colectivo PENSAMENTO E SEMENTEIRA continúa coa súa programación abrindo en Viveiro, durante a primeira quincena de decembro a exposición “Represaliados” do pintor Celso Dourado. Esta mostra pictórica “na lembranza do Comandante Moreno” estivo aberta anteriormente na localidade de Mondoñedo e chega agora a Viveiro onde será inaugurada o vindeiro sábado 30 de novembro, ás 19 horas na sala da Biblioteca Municipal, na Praza Maior. Participará neste acto inaugural, ademais do pintor mariñán, o músico Vadim Yukhnevich.