A C.M.V.M.C. Real, Rañadoiro e Agudo, en colaboración co grupo de teatro O Batán, xa ten prevista a programación cultural a desenvolver no Centro Social de Cangas para o mes de febreiro. O domingo 2 de febreiro será a quenda das habaneras cun concerto de Escolma de meus a partir das sete da tarde. E o domingo seguinte, 9 de febreiro, á mesma hora, o grupo de teatro CREA de Viveiro presenta a obra “El Retablo de las Maravillas” de Miguel de Cervantes. O domingo 19 o grupo Ardora de San Cibrao achegará a peza teatral de Francisco Piñeiro “Xustiza de lei”, dirixida por Paz Rodríguez, tamén ás sete da tarde. No mesmo horario se desenvolverá o domingo 23 a representación de “Opereración Voltaren” da man do grupo de teatro Faro Miño de Chantada. A entrada a todas as actividades é de balde.