O vindeiro mércores, dentro dos mércores de natureza que organiza o Concello, desprazarémonos á praia de Abrela para percorrer o sendeiro azul PRAIA DE ABRELA – PUNTA SOCASTRO (8 quilómetros aproximadamente). Despois de percorrer dito sendeiro e regresar á praia de Abrela de novo, embarcaremos en kaiaks para percorrer a zona en ditas embarcacións,podendo admirar esa parte da costa do Vicedo. A ruta de sendeirismo é gratuita e a de kaiaks costa 15€ por persoa. As inscricións deben facerse no 982 59 01 95 ou na propia Casa da Cultura do Vicedo.