O hotel Vila do Val, situado en Ferreira de Valadouro, continúa coas súas I Xornadas do Outono dedicadas ás receitas elaboradas con produtos típicos desta época. No seu cuarto fin de semana o Vila do Val oferta para este sábado 25 e domingo 26 de outubro un menú composto por dous pratos a un prezo de 12 euros, bodega, pan e sobremesas separadamente. Os comensais que se acheguen ao establecemento hostaleiro poderán degustar de primeiro prato tosta de cecina con ovo de codorniz, ao que lle seguirá un segundo a elixir entre perdices á toledana ou corzo con castañas. As reservas poden realizarse previamente no teléfono 982 57 16 53, no correo electrónico info@hotelviladoval.com ou no propio establecemento situado nas proximidades da praza de Santa María, en Ferreira do Valadouro. Paralelamente, o Hotel Vila do Val recorda aos seus clientes que continua ofrecendo todos os venres os seus xa tradicionais montaditos a un prezo de 2 euros.