Chao de Castro Altair pecha o ano cunha exposición de xogos que inclúe a presentación dun libro sobre o xogo, a visita do Apalpador, o sorteo dunha cesta e unha chocolatada. A cita será no seu local de Burela, na rúa do Río nº 10, o sábado 27 de decembro a partir das 17.00 horas que se inaugurará a exposición do xogo e o xoguete para deixar paso máis tarde á presentación do libro sobre o xogo. Ás 18.00 horas @s nen@s recibirán a visita do Apalpador e mostrarán os números de velada do acampamento de inverno do pasado 19, 20, 21 e 22 de decembro en Láncara. Tamén haberá xogos tradicionais e a partir das 19.00 horas o sorteo da cesta de inverno. A tarde rematará ás 19.30 horas cun gran chocolatada con doces elaborados pol@s nen@s.