Foz, 21 de maio de 2016.- O alcalde de Foz, Javier Castiñeira, e a concelleira Maite López visitaron este sábado a unha veciña de Cangas, chamada Josefa, que acaba de cumprir cen anos. O rexedor, que xogou dúas partidas ás cartas coa centenaria, comentou que foi un verdadeiro pracer conversar con ela e coa súa familia “e sorprendeunos gratamente pola súa saúde de memoria e tamén por como xoga ás cartas, con picardia e estratexia, e como as conta. Ademais Josefa ten moita enerxía e sentido do humor e comentou que está moi satisfeita de ter pagado a agraria durante trinta anos porque leva moitos mais cobrando a pensión”. O alcalde e Josefa quedaron en desempatar ás cartas nas festas do Carme de Cangas, que se celebran en xullo.
