Un ano máis a Agrupación Cultural Francisco Lanza organiza as Xornadas de Historia Local. Nesta ocasión, as dúas charlas versarán sobre un tema común: Ribadeo e a emigración. O xornalista Martín Fernández Vizoso será o encargado das dúas charlas: o xoves 28 falará da emigración da Mariña a Cuba “O caso de Ribadeo” e o venres 29 da Festa de Indianos “Invención ou recreación histórica?”. Como é habitual, serán ás 20.30 horas no salón de actos da Casa do Mar.