Un grupo de nenos e nenas, con idades comprendidas entre os 6 e os 12 anos, participaron nesta calorosa mañá de domingo en Ribadeo no obradoiro. A actividade, totalmente gratuíta, desenvolveuse baixo o lema Xogamos con Acisa. Os asistentes gozaron cun xogo de oca xigante na carpa instalada no parque de San Francisco. O obxectivo deste obradoiro é que os nosos nenos e nenas sexan conscientes da importancia de manter vivo o pequeno comercio, das vantaxes que ten fronte ás grandes superficies e fronte ás compras por internet. Os máis pequenos deben ter presente o trato personalizado e a proximidade entre o cliente e o vendedor.
