O pasado venres, 8 de Decembro, a Asociación de Familiares de Enfermos de Alzheimer e outras enfermidades Neurodexenerativas logrou reunir a máis de 200 persoas na súa Cea Baile Benéfica conseguindo así un dos seus principais obxectivos: poder dar continuidade ós servizos que ofrecen na súa Unidade de Respiro Familiar durante os primeiros meses do vindeiro ano. Dende a Xunta Directiva de AFAN queren transmitir o seu agradecemento a todos os asistentes polas mostras de solidariedade recibidas e a calidez coa que transcorreu a velada así como a todas aquelas persoas, asociacións e empresas que colaboraron de xeito desinteresado para facer posible este evento.
