A Deputación creará 13 novas rutas ambientais e turísticas para promocionar a riqueza medioambiental da provincia e xerar riqueza coa posta en valor dos recursos naturais e dos produtos autóctonos de calidade, colaborando con 200 empresas de toda a provincia que, grazas a contar cos distintivos LugoSabe e Lug02, son xa referente de servizos e produtos de calidade, así coma de boas prácticas medioambientais. Esta é unha iniciativa financiada nun 80% por fondos europeos a través do programa Lug02.
A Deputada de Economía, Recadación e Facenda, Pilar García Porto, mantivo hoxe en Monterroso unha reunión cos 37 establecementos hosteleiros e de restauración da comarca da Ulloa que xa contan con estes distintivos, para presentarlles esta nova iniciativa, en concreto a ruta “A Ulloa, terra de queixos e de maruxas”, e definir as liñas de actuación para a súa posta en marcha. As reunións de traballo continuarán en datas vindeiras con máis negocios de toda a provincia.
Durante esta xuntanza, García Porto subliñou a importancia de traballar conxuntamente para “poñer en marcha proxectos que impulsan a promoción turística e a comercialización dos produtos auctóctonos de calidade, porque son un importante factor de xeración de riqueza e creación de postos de traballo, especialmente no rural, onde se enmarcan moitas destas empresas”
As 13 rutas darán a coñecer os produtos autóctonos propios de cada zona e que destacan pola súa excepcional calidade, así coma os establecementos turísticos que respectan as boas prácticas medioambientais, requisitos esixidos para contar coas marcas Lugo Sabe e Lug02 . Deste xeito, ó situarse nos percorridos das novas rutas ampliaranse as súas posibilidades de negocio dos 200 establecementos acreditados, ó contar ó seu favor coa promoción destas rutas, por exemplo, en Internet e redes sociais.
13 rutas para coñecer a provincia
A Deputación porá en marcha 13 roteiros por diferentes zonas da provincia, destacando en cada caso os produtos autóctonos propios de cada unha delas e a súa riqueza natural e patrimonial. As rutas programadas -7 gastronómicas, 3 de turismo activo e outras 3 enoturísticas-, son as seguintes: “A evolución dos portos”; “Descubrindo a faba de Lourenzá”; “Iniciación á espeleoloxía na Cova do Rei Cintolo”; “Atréveste cun raid de aventura”; “Recuperando as variedades de uva tradicionais nos bancais do Sil”; “Percorrendo a pé a Ribeira Sacra”, “Descubrindo o porco celta”; “A mel e os seus beneficios”; “O queixo na Montaña de Lugo”; “A Ulloa, terra de queixos e maruxas”; “Amasando coma antano”; “Quiroga e o seu legado artesanal” e “A mel e os seus beneficios”.
Negocios de calidade acreditada
As empresas que contan cos selos Lug02 e Lugo Sabe tiveron que superar unha rigorosa auditoría para obter de maneira totalmente gratuíta estes distintivos de calidade. O organismo provincial ofreceulles estar amparados por esta marca a todos os establecementos e empresas produtoras da provincia co obxectivo de mellorar a competitividade e o posicionamento no mercado. As entidades cos selos da Deputación teñen garantido novas vendas e, polo tanto, máis beneficios xa que, dentro do proxecto Lug02 o organismo provincial desenvolve varias iniciativas, como a creación destas rutas, a promoción en feiras e eventos, campañas divulgativas e a plataforma de comercio electrónico da Deputación www.losproductosdelugo.com onde contan cun apartado específico para a venta electrónica.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
