Despois de dous días chovendo de continuo, o río Xunto asolagou casas e comercios das súas ribeiras na localidade de Cervo. 
Tamén houbo que abrir as comportas do encoro de Riocobo.
A primeira borrasca de choivas intensas dende que comezou o ano produciu problemas en varias localidades de A Mariña, e moi especialmente no concello de Cervo. Hoxe pola mañá o río desbordou a ponte do centro do pobo e entrou na Pousada o Almacén, acadando case un metro de auga nas zonas do comedor e o bar.
As as augas escorreron en abundancia facendo subir os niveis do río ate alturas onde non chegaba dende había moitos anos. As escorrentas arrastraron lama, pedras e sobre todo restos de troncos que foron taponando os ocos das pontes e xerando pequenos encoros, que fixeron buscar novas saídas á auga incluso a través das vivendas.
A empresa Alcoa viuse obrigada a abrir as comportas do encoro de Riocobo para que esta non desbordase. Isto produciu un aumento do caudal do rio ao seu paso por San Cibrao, producindo pequenos asolagamentos, que en todo momento foron controlados polos servizos de Protección Civil de Cervo.
Segundo a opinión dalgúns veciños as causas poden estar nas dificultades de correu as augas pola canle natural, debido á falla de limpeza do río e que “só nos acordamos de Santa Bárbara cando trona”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.