O vindeiro 26 de xullo celebramos a Xornada Mundial dos Avós e dos Maiores, coincidindo coa memoria de santo Xoaquín e santa Ana, os avós de Xesús. É un feito evidente que as nosas sociedades envellecen; a media de idade foi aumentando progresivamente nos últimos anos e xa non nos sorprende a bendita presenza de tantas persoas lonxevas entre nós. Durante a visita pastoral, alegroume profundamente saudar aos máis anciáns das parroquias. Con que serenidade mostraban a súa fraxilidade, pero tamén o orgullo san do camiño percorrido. Así mesmo, percibía o gozo da comunidade ao acollelos. Eles son, en efecto, o testemuño vivo da memoria común do noso pobo.
A celebración desta xornada anual busca axudarnos a reflexionar, como Igrexa e como sociedade, sobre a realidade deste colectivo que se converteu case nun “novo pobo”. Este ano, baixo o lema “Eu non te esquecerei”, invítasenos a abrir camiños e a permanecer moito máis atentos ao doloroso fenómeno da soidade nos nosos maiores.
Por desgraza, é frecuente que se produza o esquecemento dos anciáns na súa propia contorna, froito do individualismo e dunha desvirtuada comprensión da vida privada. É o esquecemento dunha sociedade que, na súa crecente tecnocracia, torna máis complexa a vida ordinaria de quen non teñe acceso á cultura dixital, excluíndoos de feito. E é, lamentablemente, o esquecemento da propia comunidade cristiá na que un día participaron activamente e da que foron piares fundamentais.
Nos meus encontros cos maiores, dous testemuños golpeáronme o corazón con especial dureza. Por unha banda, a tristeza de quen lembra o seu compromiso activo na comunidade cristiá e hoxe séntense esquecidos tras o cambio de sacerdote, polo avance da súa propia enfermidade, ou polo seu traslado a unha residencia ou ao fogar dos seus fillos. No seu interior seguen estrañando o templo
onde rezaron e a comunidade coa que compartiron a fe; por iso lamentan, con lóxica pena, que aqueles irmáns xa non se acorden da súa entrega.
Doutra banda, escoitei o queixume de moitas persoas, especialmente mulleres, que se desviviron no coidado dos seus familiares maiores (avós, pais, tíos…) e que agora descobren con amargura que non hai ninguén que coide delas. A nosa sociedade galega, historicamente tan envorcada cos anciáns, ten unha débeda de gratitude sagrada con esta xeración que se desgastou por amor no seo do fogar.
Esta xornada é unha chamada de atención —case unha denuncia— ante situacións sanguentas que non podemos normalizar. Pero é, sobre todo, unha invitación evanxélica a entretexer lazos. Pídesenos revisar a nosa conduta cos máis maiores das nosas familias ou das nosas contornas: canto fai que abandonamos as visitas pausadas?, cando foi a última vez que repasamos a axenda para buscar o nome deses anciáns cos que compartimos a vida? É unha oportunidade de ouro para examinar como, como comunidade cristiá, estamos a atender aos maiores da parroquia e ás residencias, tanto públicas como privadas. Unha sociedade é máis humana na medida que coida aos máis vulnerables; unha comunidade eclesial é auténtica cando nela non falta ninguén; e unha persoa faise grande cando mira con gratitude a quen lle deu tanto.
Máis aló da denuncia, esta xornada nace para abrirnos á esperanza. O lema “Eu non te esquecerei” lémbranos que para Deus non existe a desmemoria e que todos habitamos no seu corazón. A certeza de sabernos sempre amados por El é o noso maior estímulo e alegría. Esta promesa sostén ao crente na fraxilidade dos anos e axúdalle a vivir este tramo do camiño coa paz profunda que só dá o amor do Pai.
O voso irmán e amigo,
Fernando García Cadiñanos
Bispo de Mondoñedo-Ferrol
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
