A expedición do club lucense desenvolve esta semana a súa preparación no municipio, facendo uso da Piscina Municipal Olímpica e das instalacións do Complexo Deportivo da Veiga
Cervo, 1 de setembro, 2026. O Concello de Cervo acolle esta semana, un ano máis, a pretempada do Club Natación PortaMiñá de Lugo, que escolle novamente o municipio para desenvolver a súa posta a punto de cara ao inicio dunha nova tempada de competicións.
A expedición do club lucense está a realizar durante estes días diferentes sesións de adestramento na Piscina Municipal Olímpica de Cervo, complementando o traballo específico na auga co uso das instalacións do Complexo Deportivo da Veiga, cedidas polo Concello para facilitar o desenvolvemento da concentración.
A elección de Cervo por parte do PortaMiñá repítese así un ano máis, consolidando unha colaboración que permite ao club contar cunhas instalacións deportivas axeitadas para afrontar esta fase fundamental da tempada e, ao mesmo tempo, achega actividade ao municipio durante a súa estadía.
Antes do inicio do adestramento deste martes, a alcaldesa de Cervo, Dolores García Caramés, e o delegado da Xunta de Galicia en Lugo, Alfonso Villares, acompañados polo presidente do Club Natación Porta Miñá, Fernando Timiraos, achegáronse ata as instalacións municipais para saudar aos deportistas e coñecer de primeira man o desenvolvemento desta pretempada.
A alcaldesa de Cervo, Dolores García Caramés, destacou a satisfacción do Concello por volver recibir ao club lucense: “É un orgullo que un club de referencia como o PortaMiñá confíe novamente en Cervo para preparar a súa tempada. Que repitan ano tras ano é unha mostra de que contamos con instalacións e recursos que responden ás necesidades dos deportistas e das entidades que nos visitan”.
García Caramés subliñou tamén o compromiso municipal coa promoción do deporte e co aproveitamento das instalacións públicas: “Desde o Concello queremos que as nosas instalacións estean vivas e ao servizo do deporte. Traballamos para que os nosos clubs e deportistas teñan as mellores condicións posibles, pero tamén para que Cervo poida acoller concentracións e pretempadas de entidades doutros puntos de Galicia”.
A rexedora engadiu que este tipo de iniciativas teñen tamén unha repercusión positiva máis alá do ámbito estritamente deportivo: “A presenza do PortaMiñá durante estes días tamén supón dinamizar o municipio. Os deportistas coñecen Cervo, desfrutan da nosa contorna e xeran actividade durante a súa estadía, polo que é unha colaboración da que nos beneficiamos todos”.
Desde o Concello de Cervo agradecen ao Club Natación PortaMiñá de Lugo a súa confianza por regresar novamente ao municipio e poñen en valor a súa aposta pola Piscina Municipal Olímpica de Cervo como escenario para a preparación do equipo.
O Concello desexa a toda a expedición unha excelente tempada e agarda continuar estreitando os lazos de colaboración co club lucense e con outras entidades deportivas que atopan en Cervo un espazo axeitado para a súa preparación.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
