Ata hai poucos anos ninguén se imaxinaba que en Galiza fose faltar auga. Mentres as zonas do sur teñen pasado por períodos de restrición, os galegos sempre nos gabábamos de que nas verdes terras de Breogán nunca faltaba o ben natural máis necesario para a vida, como é a auga. Neste tempo ningunha autoridade, local, provincial ou autonómica, se preocupou por facer infraestruturas con visións de futuro. A nai Natureza era agradecida e sempre mandaba a auga cando se necesitaba, incluso algunhas veces para amolar os tempos de lecer.
Agora mudaron as tornas e semella que se está instalando un cambio climático, caracterizado pola seca, pola escaseza de choiva. Por riba a terra galega, polas súas características areosas, reten mal a auga en enseguida se queda seca. É evidente que os encoros e infraestruturas para prestar o servizo da auga á poboación, estaban pensados contando coa magnanimidade da Natureza e a súa provisión infinita de auga en calquera momento. Pola contra as industrias e as poboacións aumentan o seu consumo de auga de xeito exponencial e moi por riba da capacidade dos encoros e sempre pagando a auga por baixo do seu prezo real de xestión e de valor ecolóxico.
Consecuencia disto é a escaseza de auga en moitos municipios. Hoxe o alcalde de Lourenzá láiase de que o encoro, curiosamente por falta de limpeza, non ten agua suficiente para atender as necesidades da poboación. É unha situación típica de “acordarse de Santa Bárbara cando trona”, porque a situación ven acaída do abandono dunha instalacións esencial para conservar a auga necesaria e imprescindible para a vida das persoas e das súas actividades produtivas. Casos coma este empezarán a aparecer en todos os concellos de A Mariña, a pesares de que a Natureza xa ven avisando dende hai anos, pero a desidia, a falla de previsión e o gasto de enerxía política en cerar crispacións, fai esquecer e incluso ocultar as verdadeiras necesidades dos cidadáns.
Agardemos que todos tomen conciencia da realidade e se busquen solucións rápidas, imaxinativas, con futuro e eficaces, porque sen auga os seres vivos morren de sede.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
