Santiago de Compostela, 23 de abril de 2014. O Consello Federal da Fegamp aprobou por unanimidade na mañá deste mércores o Orzamento da Federación para o ano 2014, que ascenderá a 1,13 millóns de euros, unha contía un 3,27% inferior á do exercicio anterior. Trátase do orzamento máis austero da Fegamp no últimos dez anos, unha redución “en sintonía coa que están a facer a inmensa maioría dos concellos galegos nas súas propias contas”, segundo puxo de manifesto o presidente e alcalde de Ferrol, José Manuel Rey.
Só desde que Rey Varela é presidente, o axuste orzamentario da Fegamp é de máis dun 21%. Todo iso, grazas a un esforzo de contención do gasto a través da conxelación das retribucións do cadro de persoal, cargos directivos pero tamén do capítulo de ingresos, mantendo sen variacións o canon que abonan á Federación os concellos asociados.
Durante a súa intervención ante os alcaldes integrantes do Consello Federal, José Manuel Rey quixo pór en valor a actuación da Fegamp no proceso de reforma da Lei de Bases de Réxime Local. “Actuamos con exemplo e responsabilidade”, apuntou, “exemplo porque todos os alcaldes soubemos unirnos en contra dunha norma que non atendía ás singularidades de Galicia, e responsabilidade porque antepuxemos a defensa dos nosos veciños a criterios partidarios”.
Rey Varela insistiu na importancia de que o municipalismo se manteña unido á hora de defender as súas reivindicacións, “porque aí radica a súa forza”. Así, confirmou que os malos presaxios acerca das consecuencias negativas da reforma local “están a confirmarse día a día”. Neste sentido, valorou positivamente o proxecto de Lei de Medidas Urxentes que onte entrou no Parlamento como unha ferramenta para dar “solucións inmediatas” á difícil conxuntura en que se están atopando moitos alcaldes e alcaldesas pola reforma local para a prestación de servizos.
“Sabemos que non é unha solución definitiva”, matizou, “pero é un balón de osíxeno para manter a nosa carteira de servizos, e especialmente os de carácter social”. Non entanto, mantivo vixente a necesidade de que “a medio prazo abordemos unha nova lei galega de administración local e, sobre todo, un novo financiamento municipal”. “Os concellos non temos un problema competencial”, reiterou, “senón de financiamento”.
Sogama
Tanto a Comisión Executiva como o Consello Federal abordaron a situación derivada da subida do canon de Sogama, que afecta a 296 concellos e que comezou a aplicarse no recibo deste mes. A Executiva rexeitou, cos votos dos alcaldes do PP, a celebración dunha Asemblea de carácter extraordinario para tratar este asunto.
Pola contra, si se alcanzou un acordo unánime para constituír, conxuntamente coa Xunta, unha mesa de traballo na que estudar o futuro mapa de residuos de Galicia. Igualmente, acordouse encargar de maneira externa un ditame xurídico independente que avalíe as posibles vías de solución á subida exposta por Sogama.
Partidos xudiciais
Executiva e Consello ratificaron tamén a postura acordada fai quince días pola Xunta de Voceiros, que expresaba o rexeitamento frontal da Fegamp ao anteproxecto de reforma xudicial, no que se avanza a centralización dos xulgados nas capitais de provincia e danse pasos cara á desaparición da xustiza de proximidade.
Os tres partidos representados (PP, PSOE e BNG) coincidiron en defender a actual estrutura de partidos xudiciais, xa que a súa desaparición dificultaría o acceso á xustiza de miles de cidadáns.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
