Santiago, 25 de setembro de 2014.- O presidente da Xunta, Alberto Núñez Feijóo, destacou este xoves a aprobación do proxecto do Plan de Conservación do Monumento Natural da Praia das Catedrais, no Concello de Ribadeo, co obxectivo de contar cunha folla de ruta que permita xestionala con acerto ambiental e turístico. “Presentamos unha serie de actuacións para preservar este monumento natural fronte aos riscos que comprometen o seu futuro, co obxectivo de compatibilizar a conservación e os valores ambientais co aproveitamento sustentable como recurso turístico”, afirmou.
Nesta liña, explicou, que o texto aprobado hoxe polo Consello da Xunta é “unha proposta de regulación de todo o que temos que facer desde o punto de vista ambiental, desde o punto de vista das infraestruturas; e tamén para regular o acceso ao público, en períodos de máxima afluencia e de acordo cun cupo que valoramos entre 2.000 e 5.000 persoas, como máximo de visitantes diarios a ese areal”.
Así que, se ben durante o verán a Xunta levou a cabo unha serie de actuacións inmediatas como o reforzo da vixilancia, a mellora da sinalización e a delimitación de sendas peonís, Feijóo precisou que agora se presenta un conxunto de actuacións a medio prazo para “preservar este monumento natural fronte aos riscos que comprometen o seu futuro”. Abundou que se mantén unha “folla de ruta para garantir a biodiversidade, mediante a conservación dos hábitats naturais e das especies de fauna e flora silvestre; para promover un uso público ordenado e compatible coa conservación dos valores ambientais” que motivaron a declaración do monumento natural; e para potenciar “a implicación social na conservación do monumento natural así como a divulgación dos valores naturais, xeolóxicos, culturais e paisaxísticos dese espazo da Mariña lucense”.
De acordo con estes obxectivos, o documento preliminar do Plan de Conservación propón un programa de actuacións, entre as que destacan: a promoción de liñas de investigación para a mellora do coñecemento e inventario de hábitats naturais e das especies de flora e fauna silvestre; un protocolo de seguimento e erradicación das especies invasoras; un programa de conservación da matogueira costeira, que é clave para o futuro deste espazo e que se atopa en perigo de extinción; a mellora das infraestruturas e servizos existentes; e o regulamento do acceso público.
Deste xeito, e en función dos cálculos previos de capacidade de acollida do espazo, estímase que o límite máximo que se estableza no documento definitivo nunca debe superar as 5.000 persoas diarias, e ás veces, precisou Feijóo, “entendemos que o intervalo debe estar entre as 2.000 e as 5.000 persoas”.
“Imos tentar consensuar ese plan e inmediatamente activalo”, afirmou Feijóo porque, dixo, “queremos contar cunha folla de ruta que permita xestionar a Praia das Catedrais mantendo o valor ambiental e aproveitando ese recurso turístico. O obxectivo, como digo, aprobalo definitivamente no verán de 2015”, concluíu.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
