Burela 28-5-17. Dende a Plataforma de afectados do plan único na Avda. Arcadio Pardiñas de Burela, en primeiro lugar, queremos agradecer o apoio que recibimos polos veciños e usuarios, así como a colaboración dos comerciantes da localidade, plasmados nas 3150 firmas que foron entregadas o día 23 de maio no Rexistro do Concello.
Ante a necesidade de validar as firmas, que sabemos que é un dos procedementos legais, tomamos a decisión de non utilizar esa vía administrativa para evitar molestias ás persoas que nos apoiaron firmando voluntariamente e para non demorar tanto o proceso, xa que urxe unha solución inmediata para non causar danos maiores.
Tamén queremos agradecer aos partidos da oposición, tanto PP como BNG, que nos brindasen a oportunidade de utilizar o “turno de palabra” no pleno pero, dada a magnitude que está tendo esta problemática, cremos que son os propios partidos os que deben intervir para debatir con rigor e seriedade este tema de gran relevancia para o desenvolvemento socioeconómico de Burela. Entendemos que as formacións políticas municipais son as que deben propoñer solucións.
Á súa vez, tamén pedimos que se pregunte ao grupo municipal de goberno sobre quen e por que se tomou a decisión de modificar o proxecto da oficina técnica, así como se existe algún documento que o xustifique, xa que na documentación que nos foi remitida non figura.
Reiteramos o noso agradecemento por todo o apoio recibido tanto do pobo de Burela como do seu contorno, así como dos comerciantes e transportistas.
Convocamos a veciños e comerciantes a asistir ao pleno do próximo martes, 30 de maio, ás 20h no que esta problemática está incluída na Orde do día.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
