Burela, 17 de abril de 2019. Burela acollerá o XII Encontro de Palilleiras, que se celebrará o 25 de maio. Unha das novidades deste ano será unha exposición de abanicos desde o século XVIII ata a actualidade de Elena Díaz que, segundo a organización, nunca fixo ningunha mostra en Galicia. A presentación do evento, celebrada este mediodía, contou coa presenza do alcalde, Alfredo Llano, e a presidenta da asociación As Encaixeiras, Paqui Romo, ademais de representantes da confraría de pescadores, da Fundación Expomar, da xefatura territorial do Mar, así coma os concelleiros de Turismo, de Servizos Sociais e do Mar, entre outros.
O alcalde, Alfredo Llano, salientou que “o mes de maio vai ser especialmente activo no concello de Burela, vai haber moitas celebracións deportivas, Expomar, o encontro de palilleiras, vai haber moitas actividades. Destaco a Feira Náutico Pesqueira Expomar, que vai ser do 9 ao 12, que vai traer moita xente a Burela. É un evento practicamente dirixido ao sector náutico pesqueiro, pero tamén está aberto a que poida participar calquera persoa que estea interesada no encontro empresarial e nas xornadas técnicas”.
O rexedor engadiu que “no mesmo recinto que se vai celebrar Expomar tamén imos ter o XII Encontro de Palilleiras que será o 25 de maio. O Concello está colaborando porque interesa que estas actividades atraian a moita xente porque sempre se favorece que se coñeza o noso pobo, pero tamén traen consigo algún beneficio económico e social, polo tanto imos estar apoiando ás Encaixeiras”.
Alfredo Llano dixo que “vai haber unha exposición, que a min me parece moi interesante porque é arte, cuns abanicos que son dos séculos XVIII e XIX ata a actualidade, e mostrará como se facían os encaixes e como se aplicaban aos abanicos. É unha novidade este ano e imos aproveitala para atraer á xente a que veña a este encontro de palilleiras. Vai ser un mes de maio moi importante para o noso concello, e este encontro vai ser un complemento extraordinario para favorecer as visitas ao noso concello, que é o que queremos e que se vaian todos moi contentos”.
Pola súa banda, a presidenta da asociación As Encaixeiras, Paqui Romo, explicou que “a cita vai ser o día 25 de maio, en horario de dez da mañá ata as sete da tarde, parando ao mediodía de dúas a catro e media. O atractivo deste ano é que imos ter unha exposición de abanicos dos séculos XVIII e XIX ata a actualidade, a cargo de Elena Díaz, e que estará durante todo o día. Imos ter a degustación de empanada de merluza, as visitas guiadas para coñecer o pobo e a xente palillando. Tamén imos ter unha exposición de traballos feitos por nosoutras”.
Sobre a participación no XII Encontro de Palilleiras indicou que “polo momento é demasiado cedo para dicir cantas estaremos porque todos os anos pasa igual, a xente apúntase a última hora e quince días antes é cando o sabemos. O ano pasado fomos 750 e este imaxino que será parecido”.
Burela acollerá o XII Encontro de Palilleiras, que se celebrará o 25 de maio
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
