Burela, 22 de maio, 2021. As Guerreiras Laranxas abriron o Sábado Laranxa en Vista Alegre cunha gran vitoria ante STV Roldán FSF (5-2) na despedida da tempada para o equipo en casa. Pola tarde, ás 18.30 horas, o Pescados Rubén Burela FS masculino vivirá unha final máis da elite fronte á gran etapa do Aspil Jumpers Ribera Navarra.
Insistiu en ataque o conxunto mariñán, con moito perigo desde os compases iniciais a través de Bea Mateos e Leti merodeando a rede dunha Almudena moi correcta. Aplicouse STV Roldán para frear a ofensiva burelista, que conseguiu a merecida iniciativa no minuto 8 na saída de Elena Aragón á pista; a andaluza brindoulle un regalazo a Cami ao segundo pau. Con todo, pouco durou a vantaxe; a igualada protagonizouna Marta Pelegrín aproveitando un pase burelista moi próximo á rede local. Recuperaron a vantaxe as galegas no 14 a través de Luísa Mayara, asistida na frontal por Dany. Marta Pelegrín no minuto 15 puxo o maior perigo visitante, a balón parado. No 19 a punto estivo de chegar o terceiro tras a recuperación de Dany e con Jane buscando ao segundo pau a Elena Aragón.
Tívose que aplicar a fondo Sandra Buzón no regreso ao parqué fronte a un rival moi incisivo; a santanderina freou a Ángela Górriz e máis tarde a dobre tentativa de Alba Gandía pero nada puido facer no 22, precisamente fronte á 11 do Roldán, nunha recuperación que sentenciou ao segundo pau para recuperar táboas. Jane, no 24, rozou o terceiro galego nunha bonita picada que desartellou o traveseiro. Con todo, non perdoou Elena Aragón no 26 desde saque de banda; recibiu Leti en pivote para deixarlla á 19 laranxa. Co 3-2, o Pescados Rubén deu un golpe de autoridade. Rozaron o cuarto Jane e Bea Mateos no ecuador do segundo acto cunha brillante resposta de Almudena, de novo. Foron Luísa Mayara, con servizo de Dany de tacón no 35, e a propia Dany de rexeite no 36, as que aproveitaron para ampliar ata o 5-2, máis que merecido tras o bo inicio da segunda parte das murcianas. Responderon as de Juan Alcaraz con xogo de cinco a falta de case tres minutos sen recompensa.
Ficha técnica
Pescados Rubén Burela FS: Jozi, Cami, Bea Mateos, Ale de Paz, M. Cortés, cinco inicial; tamén xogaron Luísa Mayara, Jane, Dany, Lara Balseiro, Elena Aragón, Sandra Buzón
STV Roldán FSF: Almudena, Marta Pelegrín, Riscos, Alba Gandía, Mariángeles, cinco inicial; tamén xogaron Lola, Consolo, Laura, Ángela Górriz, Cristi Sánchez, Andrea
Goles: 1-0, minuto 8, Cami; 1-1, minuto 9, Marta Pelegrín; 2-1, minuto 14, Luísa Mayara; 2-2, minuto 22, Alba Gandía; 3-2, minuto 26, Elena Aragón; 4-2, minuto 35, Luísa Mayara; 5-2, minuto 36, Dany
Árbitros: López López // Martínez Torres. Por Burela amarela para Lara Balseiro (minuto 27), Bea Mateos (minuto 37). Por Roldán amarela para Marta Pelegrín (minuto 25)
Incidencias: Partido correspondente á xornada 7 (segunda fase) de Primeira División Feminina disputado no municipal Vista Alegre. As Guerreiras brindaron á Bancada Laranxa os galardóns dos seus dúas últimas conquistas, a Copa de S. M A Raíña e a XIV Copa Galicia.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
