Burela, 22 de maio, 2021. O conxunto de Sito Rivera tirou de xesta para pechar o Sábado Laranxa ao grande, tras a vitoria das Guerreiras pola mañá, con tres puntos de ouro fronte a Aspil Jumpers Ribera Navarra FS (4-3). A Bomboneira estalou no último segundo, sobre a bucina, cun golazo de Renato para seguir medrando ante as adversidades antes de emprender a semana decisiva dos laranxas. Tras a iniciativa e o xogo dos locais na primeira parte con 2-1, os de Tudela souberon dar un paso adiante dando a volta ao marcador ata o 2-3. O porteiro xogador, nos tres últimos minutos, brindoulles a éxtase aos burelistas.
Os laranxas dispuxeron dos seus mellores minutos superado o ecuador do primeiro acto. Tras a iniciativa no luminoso de Quintela no 11, aproveitando o rexeite de Gus na tentativa de Javi Rodríguez, os de Sito Rivera imprimiron moito perigo. Rozaron o segundo nos seguintes compases Pazos, ao pau, e Giasson, fronte a Gus. Quixo frear a evolución local Pato con tempo morto, pero no 13 Iago Míguez conseguiu selar o 2-0 tras a pisada de Matamoros. Do que podería ser o terceiro galego no 18, cun pé prodixioso de Gus ante Quintela en estratexia pasouse ao 2-1 no 19 para o Ribera; Terry aproveitou un erro defensivo con Edu tapando en primeira instancia. Antes do descanso a conexión entre Iago e Mata a punto estivo de ver ampliada a vantaxe dos locais.
A posesión foi visitante na continuación. No 26, o Pescados Rubén Burela dispuxo da súa grande ocasión de ouro para o terceiro da tarde, con Álex Diz, pero sacou o xusto o pé Gus para salvala. Entón soubo aproveitar Aspil en transición rápida, co dobrete de Terry. Tocoulles vivir aos mariñáns certos apuros na rede, que resolveron con seriedade. A maxia de Matamoros volveu facer vibrar acariñando de novo a vantaxe e por partida dobre, no 34, primeiro ao traveseiro e pouco despois sen que o 10 burelista puidese concretar ao pase de Álex Diz. Perdoou o conxunto de Sito Rivera e conseguiu demasiada recompensa o Ribera no 35 para poñerse por diante por primeira vez na cita, no 35, cunha transición culminada por Gabriel. A quenda do xogo de cinco chegou con tres minutos por diante; Javi Rodríguez puxo o grao máximo de emoción cun golazo de forma inmediata para o 3-3 e sobre a bucina Renato provocou o delirio co definitivo 4-3 á escuadra.
Ficha técnica
Pescados Rubén Burela FS: Edu, Matamoros, Renato, David Pazos, Quintela, cinco inicial; tamén xogaron Javi Rodríguez, Giasson, Iago Míguez, Álex Diz, Lucho
Aspil Jumpers Ribera Navarra FS: Gus, Lemine, Pablo Ibarra, Javi Sena, Gabriel, cinco inicial; tamén xogaron David, Terry, Javivi, Dani Martín, Pedro, Uge, Nil
Goles: 1-0, minuto 11, Quintela; 2-0, minuto 13, Iago Míguez; 2-1, minuto 19, Terry; 2-2, minuto 26, Terry; 2-3, minuto 35, Gabriel; 3-3, minuto 37, Javi Rodríguez; 4-3, minuto 40, Renato
Árbitros: Mayo López // Moreno Durán. Por Burela amarela para Javi Rodríguez (minuto 13), Quintela (minuto 27), Matamoros (minuto 32). Por Ribera amarela para Gabriel (minuto 8), Javivi (minuto 17), David (minuto 30), Gus (minuto 40)
Incidencias: Partido correspondente á xornada 30 (aprazada) disputado en Vista Alegre.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
