Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con Fran Rivas, da organización da VespaFaba & Clásicos Lourenzá; co fabeiro Ricardo Yáñez; e con Rafael Cabaleiro, da confitería Neli, que elabora tortas e empanadas de fabas.
A Festa da Faba arrinca xa hoxe con varias actividades, que terán lugar a partires das 19:30 horas. Por diante toda unha fin de semana de mercado de fabas, pregón a cargo de Pepe Peinó, degustacións, obradoiros de cociña, música e moitas outras propostas.