Será ás 20:00 en 1ª convocatoria e ás 20:30 en segunda. A orde do día é o seguinte: Lectura e aprobación, se procede, da acta anterior. Informe detallado do estado de contas. Balance de actividades e proxectos. Rogos e preguntas.
ÚLTIMA HORA
- O Grupo Socialista de Viveiro solicita unha xunta de voceiros para recibir información detallada sobre o verquido de purín e coñecer as medidas que se van tomar
- O PP leva ao Congreso a cobertura de vacantes da patrulla do SEPRONA de Ribadeo
- “A monarquía visita pero non soluciona”, xs concelleirxs do BNG non participarán nos actos oficiais da visita dos Reis de España a Burela
- Os socialistas de Xove levan ao pleno a situación do centro de saúde, os problemas de urbanismo e a falta de planificación municipal
- Coa visita de mascotas, con doce, velas e menú conmemorativo tivo lugar a celebración do 6º aniversario da posta en marcha do centro de atención a persoas maiores de Ribadeo
Xunto aos residentes estiveron o alcalde, Dani Vega, e a concelleira de Servizos Sociais, Elena Sierra, que quixeron compartir con eles esta data tan especial e pasar unha mañá moi agradable de conversa e de festa. - Academia A Mariña acollerá o vindeiro martes, 17 de xuño, unha sesión informativa sobre o novo marco de colaboración entre empresas e entidades de formación no ámbito galego
A cita está organizada pola Consellería de Emprego, Comercio e Emigración en colaboración con CECAP. A xornada dará comezo ás 10 da mañá nas instalacións da academia, en Burela. Haberá unha exposición por parte da Consellería sobre as novas convocatorias do programa AFD, unha mesa redonda con participación de empresas e entidades de formación; e un espazo de café-networking para intercambio de impresións e xeración de contactos. - O Club Deportivo San Ciprián, coa colaboración do Concello de Cervo, organiza unhas xornadas gratuítas de iniciación e diversión co volei
Serán o 16 e o 19 de xuño no Pavillón da Veiga para rapaces e rapazas de 9 a 17 anos. Haberá dúas quendas: ás 18:00 h ou ás 20:00 h. Máis info no teléfono: 637774484. - Cariño acollerá este sábado, 14 de xuño, un festival que combinará zumba e patinaxe artística nunha xornada lúdica e deportiva especialmente pensada para as familias e os máis pequenos da casa
A cita terá lugar no Auditorio Municipal a partir das 18:00 horas e contará cunha entrada simbólica de 1 euro, que poderá adquirirse no propio recinto. Neste festival participarán os nenos e nenas a partir dos 3 anos que formaron parte desas actividades durante o curso. - Falece Jorge Val, ex alcalde socialista de Alfoz
Tiña 68 anos. Este mércores ao mediodía, a Corporación Municipal xunto con membros da Corporación do Concello do Valadouro e compañeiros de partido, traballadores do Concello e veciñas e veciños realizaron un acto na memoria do tamén Primeiro Tenente de Alcaldesa do Concello de Alfoz. Efigenia Maseda pronunciou unhas palabras e gardouse un minuto de silencio. O acto rematou con aplausos en recordo de Jorge Val - Proxección do documental de Pedro Lechuga “Xove, democracia nuclear”
O Concello de Xove, coa colaboración do IES Illa de Sarón, organizou esta proxección sobre a mobilización contra o proxecto de construción dunha central nuclear no municipio nos anos setenta. Tivo lugar este luns 10 de xaneiro no Salón de Actos. Ademais do alumnado e profesorado do IES de Xove, tamén asistiu público interesado neste episodio. - O Concello de Cervo clausura o curso das Escolas Deportivas Municipais Infantís
Fíxoo cunha exhibición de ximansia rítmica e de patinaxe artística que tivo lugar no pavillón do CEIP de Cervo e que contou coa participación da alcaldesa, Dolores García Caramés, e do edil de Deportes, David Rodríguez, que fixeron entrega dos diplomas e dun detalle a cada unhas das crianzas que asistiron neste curso ás escolas que tamen contaron con outras disciplinas como voleibol, multideporte ou balonmán.
2021 Crónica 3 A Mariña - Implementado por GaliciaDigital