Lugo, 17 de abril de 2019. O Goberno da Deputación aprobou este mércores en Xunta de Goberno a selección dos traballadores do Tecendo Emprego. Así o avanzou a Deputada de Promoción Económica e Social, Sonsoles López Izquierdo, quen subliñou que “en total, ofertáronse 56 perfís profesionais, en 41 asociacións lucenses. 39 persoas xa foron seleccionadas e formalizarán o seu contrato na vindeira semana, polo que comezarán a traballar de maneira inmediata. Así mesmo, acordamos convocar de novo 17 postos que resultaron vacantes. Estes perfís manterán as mesmas condicións e bases. A maiores, ampliamos o número de titulacións para acceder a aqueles postos nos que se requiría un único título específico”.
Dos 56 perfís profesionais que se ofertaron a través do plan laboral, Tecendo Emprego, un total de 17 postos de traballo quedaron vacantes, polo que, tras a aprobación na Xunta de Goberno extraordinaria, deste mércores, volverán a convocarse. A partir do 22 de abril e ata o 6 de maio (10 días hábiles), as persoas interesadas en inscribirse nalgún destes postos de traballo, poderán facelo a través da Axencia de Colocación da Deputación. Os interesados deberán rexistrarse neste portal como demandante de emprego, incluír a documentación necesaria como o currículo e inscribirse no perfil profesional do Tecendo Emprego que máis lle interese.
Os postos vacantes son os seguintes:
– Na liña novel (menores de 35 anos sen experiencia laboral) son 12 empregos: asesor/a técnico para explotacións leiteiras na Asociación Sectorial Láctea e Agrícola Galega (Chantada); asesor/a explotacións gandeiras na Asociación Profesional Gandeiros de Lugo; asesor/a explotacións gandeiras na Asociación Profesional Gandeiros de Lugo; asesor/a técnico empresarios do medio rural na Asociación de Desenvolvemento Rural ODEGA (Guitiriz); Tramitador/a fiscal e laboral a entidades do rural na Asociación de Desenvolvemento Rural ODEGA (Guitiriz); monitor/a de informática para centro ocupacional na Fundación Protección Discapacitados psíquicos de Vilalba Terra Chá (Vilalba); terapeuta ocupacional na Asociación COGAMI da Mariña; mestre educación especial en ASPANANE (Viveiro); terapeuta ocupacional en AUXILIA Lugo; terapeuta ocupacional na Asociación Ágora (Monforte de Lemos); responsable programa de inserción laboral no ANPA Colexio Educación Especial Santa María de Lugo (Lugo); terapeuta ocupacional en ASPACE (Lugo).
– Na liña veterano (de 30 á 50 anos) son un total de 2 postos de traballo: técnico de actividade física na Asociación de Familiares de Enfermos de Alzheimer de Monforte (Monforte de Lemos); peón especialista na Asociación Territorio Verde (Cervantes).
– Na liña sénior (maiores de 50 anos) son un total de 3 postos de traballo: coidador/a; COGAMI da Mariña; educador/a social en ASPANANE (Viveiro); monitor/a na Asociación os Pinchacarneiros (Lugo).
Novos empregados
Os 39 novos empregados, tras resolverse o proceso selectivo, comezarán a traballar de forma inmediata, unha vez, formalizada a contratación dos empregados, por parte da entidade social; proceso para o cal contan con 5 días hábiles dende ó 22 de abril ao 26 de abril. O resto de persoas solicitantes, quedarán en listaxe de reserva por si algún traballador non superara o período de proba, ou para os casos nos que poidan xurdir baixas de longa duración, maternidade, ou outras circunstancias.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
