Ribadeo, 17 de abril de 2019. O alcalde, Fernando Suárez, contou que xa se esgotaron os 1.000 packs de panchas que se puxeron en circulación o pasado 4 de abril. O rexedor asegura que a campaña tivo moi boa acollida e subliña que 10.000 panchas (10.000 euros) xa foron validadas no Concello e en ABanca polos máis de 80 establecementos que participan nesta iniciativa. Os clientes do comercio de Ribadeo teñen ata o 5 de maio para gastar a súa moeda local, que despois deixará de ter validez.
Fernando Suárez quixo nesta xornada “dar unha moi boa nova que evidencia a boa acollida e o bo funcionamento desta iniciativa que puxo en marcha o Concello de Ribadeo hai poucos días, coa colaboración de Acisa e de ABanca”.
O alcalde ribadense subliñou que “segundo os datos que nos ven de pasar ABanca, todos os packs de panchas, desta moeda local que puxemos en funcionamento hai doce días, xa foron vendidos a todas as persoas da vila, do concello ou de fora que estiveron acudindo ao banco pagando 30 euros e obtendo 40 panchas. Isto significa que no mercado, nunha cifra récord de doce días que se vendeu o equivalente a 40.000 panchas, está habendo un diñeiro moi importante neste período, se cadra algo baixo desde o punto de vista comercial, con excepción desta Semana Santa. Agora todos os posuidores de panchas poden gastar ese diñeiro no comercio local, concretamente nos máis de 80 establecementos que se subscribiron a esta iniciativa”.
Suárez Barcia engadiu que “segundo os datos da Oficina de Desenvolvemento Local do Concello xa máis de 10.000 panchas foron traídas aquí a validar polos diferentes establecementos que están notando como a xente paga con esta moeda, e agora o que se trata é que isto se difunda e exista compravenda nos diferentes comercios porque todo o mundo ten de prazo ata o vindeiro 5 de maio para facer todas as compras que poida”.
O rexedor indicou que “isto dinamiza a economía local, dinamiza o comercio local, este sector tan importante que temos en Ribadeo, e ao mesmo tempo consolida esta iniciativa que sen dúbida en sucesivas edicións estou seguro que será copiada noutros concellos, pero que aquí en Ribadeo unha vez máis seguimos sendo referentes”.
O Alcalde cualifica de éxito a campaña da moeda local Pancha. Xa se esgotaron os 1.000 packs que se puxeron en circulación o pasado 4 de abril
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
