A colaboración do Concello de Burela con Arraianas incluíu acompañamento psicosocial, asesoramento xurídico e apoio en trámites de regularización, residencia, asilo e orientación laboral
Burela, 12 de agosto de 2026. O programa Nnabata, desenvolvido en colaboración co Concello de Burela e Arraianas, co financiamento da Fundación La Caixa, ofreceu en Burela acompañamento xurídico, psicolóxico e social ás persoas migrantes. Ao longo do programa foron atendidas 139 persoas, das cales 111 acudiron por cuestións relacionadas co proceso de regularización, ademais doutras necesidades vinculadas á súa situación persoal, administrativa e social.
O acompañamento permitiu atender diferentes situacións e trámites, entre eles permisos de residencia, expedientes de asilo e refuxio, homologacións de bacharelato, preinscricións e orientacións laborais, así como outras cuestións relacionadas coa situación administrativa das persoas atendidas. No caso dos procesos de regularización, ás persoas que o precisaron entregóuselles o certificado de vulnerabilidade.
Pero o traballo desenvolvido no marco do programa foi máis alá dunha xestión de trámites. A atención xurídica complementouse co acompañamento psicolóxico e social, ofrecendo orientación ante diferentes situacións que poden afectar o día a día das persoas migrantes e facilitando o acceso á información e aos recursos necesarios para desenvolverse na sociedade de acollida.
Esta dimensión social é, precisamente, un dos aspectos que o tenente de alcaldesa e concelleiro de Inmigración, Mario Pillado, considera fundamentais. “Hai unha implicación non só laboral, senón tamén social, de todos estes procedementos, posto que cremos que iso é o fundamental para a comunidade que formamos na veciñanza de Burela”, sinala.
Nesta liña, o programa permitiu achegar información sobre o proceso de regularización ás persoas interesadas. O pasado 23 de abril celebrouse unha charla informativa sobre este procedemento que, debido á gran participación, tivo que dividirse en dúas sesións.
Para o Concello, este tipo de acompañamento permite abordar as diferentes necesidades que poden xurdir arredor dun proceso migratorio desde unha perspectiva máis ampla, na que os trámites administrativos forman parte dunha realidade persoal e social que tamén precisa atención.
Mario Pillado quixo poñer en valor o traballo e a implicación do persoal do Concello e do equipo de Arraianas, sobre todo polo esforzo feito para dar resposta ás necesidades da poboación migrante de Burela ante a excepcionalidade da situación derivada do proceso de regularización extraordinaria, realizando un traballo adicional que non estaba previsto inicialmente no financiamento do proxecto.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
