Nicole Grueira pon en valor os preto de 98.000 euros para o acondicionamento da antiga escola de Cirio en Pol: “Un exemplo de compromiso co noso municipio”
Pol, 3 de outubro de 2026. Os deputados do Grupo Popular no Parlamento de Galicia Nicole Grueira e Enrique Barreiro destacaron os 585.000 euros que o Goberno galego dirixe a seis concellos da provincia para acometer obras de eficiencia enerxética en infraestruturas de titularidade municipal.
Os parlamentarios comprobaron, recentemente, o avance das obras de acondicionamento do local social (antiga escola parroquial) de Cirio, en Pol, para as que a Xunta concedeu unha axuda de preto de 98.000 euros. A deputada popular e portavoz do PP de Pol, Nicole Grueira, cualificou de “importante investimento” grazas ao cal é posible o arranxo deste local tan relevante para a actividade e dinamización social da parroquia. A voceira municipal puxo en valor este apoio como “exemplo de compromiso co noso municipio”.
Unido a este, son outros cinco os municipios beneficiarios destas convocatoria de axudas de carácter plurianual (2025-2026) en réxime de concorrencia competitiva e cofinanciadas pola Unión Europea no marco do programa Galicia Feder 2021-2027: Burela, Cervantes, Navia de Suarna, Outeiro de Rei e Portomarín.
Os deputados lembraron que estas achegas permiten mellorar a eficiencia enerxética, polo que contribúen á redución das emisións de gases de efecto invernadoiro e a mitigar os efectos do cambio climático ao mesmo tempo que “melloran as condicións de infraestruturas empregadas polos veciños e veciñas”.
Os populares salientaron, polo tanto, o apoio continuo da Xunta co desenvolvemento dos concellos de toda a provincia e de toda Galicia. De feito, este ano o Fondo de Cooperación Local conta un 12% máis de fondos que o ano anterior e, a través de distintas Consellerías, o Goberno galego dirixe ás administracións locais neste 2026 unha cifra histórica de 670 millóns de euros, 30 millóns máis que no exercicio anterior.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
