Foz, 17 de abril de 2019. No orzamento municipal do Concello de Foz para este ano, aprobado en pleno este luns, figura unha partida de 150.000 euros para seguir facendo fronte á devolución de licencias de obra concedidas no ano 2008, que cobrou o goberno local do PSOE “e que non sabemos en que as gastou”, manifestou hoxe o alcalde, Javier Jorge Castiñeira. O rexedor subliña que o PP ten que pagar ás débedas do PSOE e que a mala xestión dos socialistas déixase sentir nas arcas municipais aínda moitos anos despois.
“Desde o equipo de goberno queremos informar a todos os veciños que nestes orzamentos do Concello, recentemente aprobados, seguimos a dinámica destes últimos anos: reservar unha partida de 150.000 euros para seguir pagando e devolvendo esas licencias do ano 2008, aquelas licencias que cobrou o goberno municipal do Partido Socialista e que agora, durante estes dez últimos anos, ten que ir pagando o goberno do Partido Popular”, explicou Javier Castiñeira.
O alcalde engade que “naquel momento o Concello gobernado polo señor Rivera cobrou varios millóns de euros en licencias, que non sabemos en que os gastou; e agora levamos anos devolvendo preto de 1 millón de euros, e proba disto é que nestes orzamentos de 2019, dez anos despois, aínda van 150.000 euros para devolverlle a un dos contratistas que o ten solicitado”.
O rexedor salienta que “isto non remata aínda agora porque hai un acordo con ese construtor para non devolverllos directamente todos na mesma anualidade, porque son practicamente 400.000 euros, e polo tanto aínda quedarán anos sucesivos para seguir devolvendo os cartos que gastou no seu momento o señor Rivera e o seu goberno do Partido Socialista no Concello de Foz”.
Castiñeira subliña “a responsabilidade do goberno do Partido Popular, que paga as débedas dos socialistas” e “a mala xestión dos gobernos do Partido Socialista, que aínda agora sentimos nas arcas municipais e ademais temos que escoitar as críticas do Partido Socialista á hora de aprobar os orzamentos, que nin sequera son capaces de apoialos para pagar as súas propias débedas”.
O alcalde quere que “os veciños de Foz non se esquezan de que se seguen pagando débedas dunha mala xestión socialista e que aínda por enriba non son capaces de aprobar uns orzamentos nos que van débedas da súa xestión”.
O orzamento do Concello de Foz deste ano destina 150.000 euros para seguir devolvendo licencias de obra do anterior goberno municipal socialista
Relacionado
-
A Deputación abre este luns o prazo para inscribirse nas actividades das Reservas da Biosfera
-
A Xunta adxudica por máis de 2,1M€ as obras de rehabilitación de 6 vivendas para alugueiro accesible con preferencia a menores de 36 anos en Ribadeo
-
O San Xoán das Corporacións, en Foz, celebrarase o martes con pregón, música e fogueira tradicional
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
