Breves

• Concerto de música relixiosa en Cervo

  O Concello de Cervo colabora coa Unidade Pastoral para organizar un concerto de música relixiosa, que terá lugar o venres 21 de novembro na Casa da Cultura de San Cibrao.

• Burela promocionará o peixe fresco por todo España no Nadal

  O Concello promocionará nas vindeiras semanas e durante toda a campaña de Nadal o peixe fresco e o marisco que chegan á lonxa de Burela por toda España. Está previsto sortear o 30 de decembro "unha magnífica cesta de peixe e marisco fresco entre os clientes que merquen nas vindeiras semanas nas peixerías e nas áreas comerciais de Burela.

• Espectáculo da palabra en Xove

  O dramaturgo e actor Cándido Pazó estara o 20 de novembro en Xove, no IES Illa de Sarón para ofrecer dúas funcións do seu "ESPECTÁCULO DA PALABRA". Esta actuación englóbase dentro do "Programa de Apertura de Centros Educativos Públicos Fóra de Horario Lectivo", organizado polo Concello de Xove, coa colaboración do IES Illa de Sarón.