Con motivo da proclamación de centro azul da carpinteiría de ribeira de Francisco Fra, o vindeiro martes día 28 de agosto ás 20 h no asteleiro, terá lugar unha charla sobre baleas que será impartida por Anxo Cao, estudante de bioloxía que trtaballou como guia de avistamento de baleas nas Azores.

Corenta veciños da Mariña, concretamente dos concellos de Ribadeo, Barreiros e Foz, participaron onte, luns, nunha excursión ao parque da natureza de Cabárceno, en Cantabria. Foi organizada pola axencia de viaxes Augasantas, de Ribadeo, que dirixe o barreirense Adrián Expósito Dorado. A actividade incluíu unha visita, acompañados por unha guía especializada, ao parque da natureza de Cabárceno, onde tamén comeron e despois presenciaron unha exhibición de leóns mariños. Tanto na viaxe de ida como na de volta fixeron paradas na localidade cántabra de Unquera.

A comparsa Sin Xeito, gañadora do Entroido 2018, foi a encargada de poñer a nota musical e de color co obxectivo de achegar o Entroido de Foz aos miles de turistas que en agosto pasan as súas vacacións na vila e así animalos a que no inverno se acheguen a disfrutar dun dos mellores carnavais de Galicia. Tanto o Concello de Foz como o Centro Comercial Aberto apostan pola organización de diferentes actividades ao longo de todo o ano, co fin de atraer turistas non só no verán, senón tamén durante o outono e o inverno. E a promoción realizada do Entroido de Foz é boa proba diso, de aí que animen a todas as persoas que pasan o seu verán na localidade a que a visiten tamén noutras épocas do ano, como por exemplo durante a celebración do carnaval focense.

Este mércores ás 20:30h no salón de actos da Casa da Cultura do Vicedo terá lugar a presentación do libro Conserveiras de Celeiro, Vicedo, Bares e Barqueiro, de Vicente Míguez Salgueiro e Carlos Nuevo Cal. Intervirán tamén Andrés Díaz Ferro e Pablo Mosquera.

A asociación cervense de Airiños do Xunco organiza unha Semana Cultural na Praza do Souto de Cervo para todos os veciños e visitantes que se queiran achegar ao lugar. As actividades comezaron este luns con debuxo infantil para os máis pequenos. Este martes 21 haberá hinchables, o mércores 22 xogos populares, o xoves 23 festa da auga e o venres 24 rematará a programación co concurso Master Chef Cervo. Para inscribirse no concurso de Master Chef hai que facelo ao longo da semana ben no número 600968344 ou ben nas propias actividades.

Trátase dunha das últimas actividades das Festas patronais de San Bartolo

Por terceiro mes consecutivo temos que saír ás rúas berrar alto e claro que o MACHISMO MATA! Sumámonos ao feminismo galego convocando concentración para mañá martes, 21 de agosto, ás 21 horas na Praza da Mariña de Burela. Convocamos a toda a sociedade para que visibilice o seu rexeitamento aos valores patriarcais que perpetúan e consolidan na sociedade as violencias sexistas. #MachismoMata #NinUnhaMenos #SempreLibreEViva