O novo accidente no Fiouco reaviva demandas do BNG para mellorar a seguranza na A-8 e urxe o Goberno a actuar xa contra os problemas crónicos da autovía ao seu paso pola Galiza
Madrid, 4 de xullo, 2025. O deputado no Congreso, Néstor Rego, reclama “solucións estruturais” coa execución inmediata das medidas comprometidas: “non chegan as balizas, non máis parches”.
O Alto do Fiouco presenta, desde a súa inauguración en febreiro de 2014, graves problemas de falta de seguranza viaria pola presenza das persistentes néboas endémicas deste tramo, especialmente nos meses de xuño e xullo. De feito, foi a brétema a responsábel de que, poucos meses despois de que entrara en funcionamento, o 26 de xullo, tivera lugar un grave accidente en cadea que causou a morte dunha persoa.
Infelizmente, o problema segue sen ter solución, e na mañá deste venres 4 de xullo rexistrouse un novo accidente múltiple, con varios coches implicados e unha moto, no quilómetro 547 da A-8, á altura da parroquia de Argomoso (concello de Mondoñedo), no tramo do Alto do Fiouco, co resultado de varias persoas feridas e que obrigou a cortar a estrada entre os quilómetros 534 e 552
Desde o 2014, o BNG ten reclamado de forma reiterada a urxencia de que se adopte unha solución técnica moderna e avanzada que permita o tránsito de forma segura pola autoestrada e que evite a necesidade de fechar a autovía ante o aviso de brétema e desviar o tráfico pola N-634, estrada necesitada de melloras e nada adaptada para absorber o tráfico, especialmente nos períodos de verán nos que se incrementan os desprazamentos.
“Como temos subliñado en distintas iniciativas”, o Ministerio segue a estudar opcións técnicas que permitan atallar o problema, porén máis de 10 anos despois o problema segue sen solución definitiva. Polo momento, só se instalaron unhas balizas intelixentes con luces led nas marxes da vía que melloran a visibilidade cando a néboa non é moi intensa e permitiron reduciron os cortes na A-8, mais non solucionan o problema estrutural.
A A-8 precisa de solucións definitivas e fiábeis no Alto do Fiouco que permitan a circulación segura ante as frecuentes situacións de néboas intensas, fenómeno endémico da zona. O Ministerio debe adoptar as medidas precisas para garantir a seguranza viaria e a operatividade dunha autovía na que foron investidos millóns de euros e que é necesaria para a mobilidade da comarca da Mariña.
Polos motivos expostos, o BNG formula as seguintes preguntas dirixidas ao Goberno:
1. Cando entrarán en funcionamento as novas medidas técnicas permanentes que permitan o tránsito seguro polo Alto do Fiouco mesmo con presenza de brétema na zona?
2. Que avaliación fai do novo accidente múltiple rexistrado este venres 4 de xullo, con varios coches implicados e unha moto, no quilómetro 547 da A-8, á altura da parroquia de Argomoso (concello de Mondoñedo), no tramo do Alto do Fiouco, con varias persoas feridas? Funcionaron as balizas intelixentes de sinalización existentes na actualidade? Se a néboa era tan intensa que non eran suficientes as balizas para asegurar a condución segura porqué non se fechou o tráfico nese tramo da autovía nesta ocasión?
3. Acometerá as actuacións precisas á maior brevidade posíbel para solucionar de forma definitiva os problemas de seguranza viaria no Alto do Fiouco na A-8 apostando por unha solución técnica avanzada que permita a circulación nesta zona caracterizada polas intensas néboas?
4. Ten previsto acometer outras actuacións neste tramo A-8 para a mellora do firme actualmente en mal estado? Ten previsto outras actuacións para a mellora da N-634 que debe absorber o tráfico cando se producen os fechamento na A-8? De ser así cando e que actuacións prevé realizar?
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
