Burela, 4 de xullo, 2025. As novas condicións do mercado laboral requiren unha formación continua. De aí que dentro do marco europeo, o Ministerio de Educación, FP e Deportes creara os Cursos de Especialización, que ofertan formación en campos considerados emerxentes no contorno laboral. Dentro do catálogo da FP galega, o IES Perdouro conta con dous destes Cursos.
A novidade é o Curso de Especialización de Instalación e Mantemento de sistemas conectados a Internet. As siglas polas que se coñece son IoT. Este curso de 300 horas está dirixido a calquera titulado co Grao Medio de Formación Profesional. Impartirase desde outubro a febreiro do próximo curso.
Segundo Ismael Castiñeira, docente do curso e profesor de Instalacións de Telecomunicacións , “trátase dunha actualización necesaria para enfrontarse ás novas tecnoloxías que hoxe en día se empregan en domótica, en monitorización etc. Calquera instalador que se decida a colocar dispositivos conectados a Internet terá a posibilidade de probar estas novas tecnoloxías tan demandadas nas casas ou en calquera industria ou establecemento. Na actualidade practicamente todo está conectado a Internet: as persianas, a placa vitrocerámica, a iluminación, os equipos informáticos da administración ou de calquera empresa ou mesmo un valado dixital que cerque o gando nunha granxa”.
A xefa de departamento de Electrónica, Marga López, informa dos recursos cos que conta o centro para formar Técnicos Especialistas neste eido: “No IES Perdouro xa temos instaladas antenas, sensores, equipos de soldadura, ferramentas, unha plataforma de integración, equipos WIFI, puntos de acceso, dispositivos LoRaWAN e dispositivos 5G con SIM de operadora nacional entre outros”.
Este curso non conleva prácticas en centros de traballo e, ao rematar, obtense a certificación de Técnico Especialista, unha acreditación superior á de Técnico de Grao Medio.
No caso do Curso de Especialización en Fabricación Aditiva, este Máster da FP forma persoal cualificado que conta xa con titulación dalgún Ciclo de Grao Superior. Son 720 horas de formación nas que o alumnado desenvolve e xestiona proxectos mediante o uso de impresión 3D e supervisa e executa a montaxe e o mantemento de ditos proxectos para o desenvolvemento de produtos de empresa respectando criterios de calidade, deseño, seguridade e respecto ao medio ambiente.
Félix Pardo, docente do Ciclo de Grao Superior de Mecatrónica Industrial, asegura que “a fabricación aditiva é unha tecnoloxía clave na industria 4.0 debido á redución de custos e ao desenvolvemento de novos compoñentes. No Curso de Especialización a aprendizaxe é práctica e trabállase en deseño CAD 3D. No mercado laboral constatamos que a demanda deste persoal altamente cualificado é crecente en sectores como a automoción, a medicina e a aeronáutica”.
Este Máster da FP dota dunha certificación que acredita a formación como experto en deseño de produtos para impresión 3D, deseñador 3D por escaneado e experto en prototipado rápido.
Desde o centro consideran que estas son dúas das apostas máis actualizadas da Mariña en Formación Profesional. Aínda é posible matricularse nestas ensinanzas durante o mes de xullo, cando se oferten as prazas liberadas.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
