Desde a Administración local alertan do perigo que supón a vexetación descontrolada en varias vías provinciais, tras un informe emitido pola Policía Local que advirte dun risco real de accidentes
Cervo, 3 de xullo do 2025.- O Concello de Cervo vai instar formalmente á Deputación de Lugo á roza inmediata das vías de titularidade provincial que atravesan o municipio, debido ao preocupante estado de abandono no que se atopan, con maleza que invade os arcéns en ambos marxes e que supón un serio risco para a seguridade viaria e para a veciñanza.
A petición chega tras unha inspección realizada pola Policía Local, que recolleu nun informe a situación actual de varias estradas provinciais: a L-15-2 (desde Burela, pasandopor Vilaestrofe ata Rúa), a L-15-3 (que transcorre por Ríocobo, Castelo, Trasbar e San Román), a L-15-4 (que pasa por Ríocobo, Viladesuso e Sargadelos), a L-15-6 (que une Cervo e Rueta), a L-15-8 (que pasa polo Paraño e Figueirido) e a L-15-10 (carretera da Costa).
Segundo o informe policial, o crecemento descontrolado da vexetación está a invadir as marxes en ambos sentidos, limitando a visibilidade, reducindo a anchura útil da vía e aumentando o risco de accidentes.
A alcaldesa de Cervo, Dolores García Caramés, sinalou que “se trata de vías con moita circulación, que comunican diferentes núcleos do noso concello, polo que é importante garantir que estean en boas condicións para a seguridade de todos”. Tamén comentou que “levamos tempo trasladando esta situación e consideramos necesaria unha actuación canto antes, por responsabilidade, por salubridade, e polo benestar da nosa veciñanza”.
Desde o Concello, insístese na importancia de contar cun plan de mantemento regular para estas estradas, lembrando que a súa conservación corresponde á Deputación de Lugo.
Ademais, lémbrase que o ano pasado as tarefas de roza se realizaron no mes de setembro, nun prazo pouco axeitado tendo en conta que o crecemento da vexetación comeza xa en maio, polo que se solicita que nesta ocasión se planifique e execute a intervención en tempo e forma para evitar que se repita esa situación.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
