Por que nos EEUU están a prohibirse as cámaras con lectores de placas de matrícula (con milleiros xa instaladas) mentres en Ribadeo aumenta o número de cámaras nas rúas? Por que, pola contra, o goberno municipal non instala un só sonómetro cando hai mesmo en marcha unha campaña de recollida de sinaturas polo ruído, en particular, nocturno?
A pesar de ser abondo menos invasivo da privacidade un sonómetro -que non pode distinguir quen berra, senón só o nivel sonoro conxunto- que unha cámara que permite recoñecer o distraído que se lle poña por diante, pode que a resposta sexa ‘porque non’. Ou sexa, porque si, sen explicación, porque o alcalde, equipo de goberno ou quen sexa que estea ó mando (que ó mellor non son eles, os que andan pola casa do concello) quere que así sexa, sen darlle máis voltas aínda que as teña. Ó fin, non é iso ‘exercer o poder’? Pois iso, exérceno. E logo, poden ate quedar mirando para ver se o entendiches ou necesitan outras medidas para que o entendas. Non, non entender a explicación que non se dá, senón entender que ‘non hai’ explicación.
En realidade, diría que prefiro esa idea, sen máis, porque as outras que se me ocorren son peores, e aprecio os homes e mulleres que cren estar facendo algo por nós aínda que non coincidamos en que ese algo sexa bo.
En relación ó primeiro parágrafo, comprendo que levamos certo retardo en aplicación dalgunha tecnoloxía respecto doutros lugares (no que respecta ós EEUU, máis que nada porque alí din que teñen máis cartos pois inclúen mesmo os nosos). E iso fai que ás veces vaiamos tamén por tras en cousas como considerar que a tecnoloxía non ten a solución a todo, Ou que pode atentar contra a privacidade ou a intimidade das persoas. Iso é precisamente o que está a levar, nos EEUU, a alcaldes e gobernadores (demócratas e tamén republicanos) a lexislar contra as cámaras con recoñecemento de cara ou matrícula e comezando a eliminalas nun momento no que dende a presidencia federal se procura a vixilancia e intimidación.
En Ribadeo, por contra, están a poñelas. Doce, din: a seguridade, por riba. Ou a vixilancia. Mais teño experiencia que tras un roubo as imaxes das cámaras non serviron para recoñecer ó/á encapuchado ladrón ou ladroa mentres era recoñecido o roubado, e mentres no edificio correspondente, cada veciño é rexistrado nas súas diarias entradas e saídas, tranquilamente e usuarios de VUT incluídos. Iso si, segundo din, xa se puxeron multas de circulación por milleiros de euros sen que por iso se note unha melloría no tráfico.
Por outra banda, mentres unha simple app para o móbil como pode ser ‘Physics Toolbox’ permite medir os decibelios que nos rodean, á unha ou ás cinco da mañá, de xeito anónimo, sen atacar a intimidade ou privacidade, e proporcionando datos para atallar o problema do ruído, o concello non instala aparellos (tal parece que foran ‘demoníacos’) de medida de nivel sonoro nin ordena instalalos con limitadores nas fontes de ruído. Claro que que como referencia, a sinxela app xa os ten substituídos. Para que, pensará o alcalde. Pode que, mesmo a el non lle afecte. E é que iso de pensar que se un non se sente afectado, non lle afecta a ningún é algo que está en alza. Falta de empatía, lle chaman.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
