Viveiro, 3 Xullo, 2025. Ninguén resultou ferido, aínda que o servizo sanitario de urxencia está en pre alerta por se fose necesaria a súa intervención nalgún momento.
En canto á extinción do incendio, no punto están a traballar as dotacións dos parques de Viveiro, Barreiros e o Eume. Tamén contan coa colaboración dos membros do Servizo Municipal de Protección Civil de Viveiro, dun equipo de Incendios Forestais procedente da Pontenova e dos axentes da Policía Nacional e Local.
Este amplo dispositivo foi configurado para facer fronte a un incendio declarado nunha subestación eléctrica situada en Santo André de Boimente, Viveiro. O incendio, así como pequenos estoupidos, foron percibidos por varias persoas, que chamaron ao 112 Galicia pouco despois deste mediodía para dar conta do suceso. Isto permitiu que se puxeran en marcha os medios e comezaran as labores de extinción. Sen embargo, para atallar a situación coas mellores garantías, dicían os Bombeiros de Viveiro, con experiencia nesta subestación -houbo algún incendio anterior-, que serían necesarios recursos extras, como os medios mobilizados desde o Eume, Barreiros e Incendios Forestais da Pontenova, e outros específicos como un espumóxeno que proporcionan desde Alcoa.
Ademais, precisábase a colaboración da empresa responsable da subestación, xa que era imprescindible o corte total do subministro para que os medios de extinción puidesen traballar en condicións de seguridade. Así, avisouse á compañía e os seus técnicos acudiron ao lugar para participar no operativo.
Por fortuna, ninguén resultou ferido, pero, desde o 112 Galicia, mantense a Urxencias Sanitarias de Galicia-061 en pre alerta por se fose necesaria a súa intervención.
Polo de agora, todos os recursos seguen traballando no punto.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
