Alfoz e O Valadouro, 6 de xullo do 2025. Os Concellos de Alfoz e O Valadouro celebraron de maneira conxunta o acto de clausura anual das Escolas Deportivas Municipais, unha xornada marcada pola participación, o deporte en familia e a convivencia entre as dúas comunidades.
A xornada comezou no Campo Municipal de Alfoz, onde tiveron lugar varios partidos amistosos entre as diferentes categorías e familiares: papás contra xuvenís, mamás contra pequenos e papás e xuvenís contra pequenos, fomentando así o espírito deportivo e a diversión compartida.
Ás 13:00 horas, celebrouse o acto institucional de peche, no que interviñeron a alcaldesa de Alfoz, Efigenia Maseda, o alcalde do Valadouro, José Manuel Lamela, o concelleiro de Deportes de Alfoz, Eliseo Lorenzo e a concelleira de Deportes do Valadouro, Ana Rubal. Durante o acto, os representantes municipais agradeceron a implicación de todas as familias e participantes ao longo do curso, destacaron a importancia da práctica deportiva nas idades temperás e fixeron entrega dos diplomas de participación ás nenas e nenos das escolas.
Tras o acto institucional, todos os asistentes desprazáronse ao Campo Municipal do Valadouro, onde tivo lugar unha comida de confraternidade organizada pola AD Río Ouro. Os máis pequenos puideron desfrutar tamén de diversos xogos e actividades lúdicas, pechando así unha xornada festiva que simboliza o traballo conxunto e a boa relación entre ambos concellos.
Desde os Concellos de Alfoz e O Valadouro agradécese a participación de todas as persoas implicadas e anúnciase que xa se está a traballar na preparación das escolas deportivas para o próximo curso.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
