Burela, 4 de setembro, 2026. Cepesca, Europeche e OPP Burela organizan o vindeiro mércores 9 de setembro un evento na Comisión de Pesca do Parlamento Europeo para presentar os resultados do proxecto técnico ISPAMER 2023-25, dirixido polo IEO-CSIC para analizar a interacción cos hábitats mariños do palangre coñecido como “pedra-bóla”, que se utiliza na pesca da pescada do pincho.
O encontro, ao que tamén asistirán a secretaria xeral de Pesca do MAPA, Isabel Artime, e a conselleira do Mar da Xunta de Galicia, Marta Villaverde, reunirá a representantes do sector pesqueiro, da comunidade científica e as institucións europeas para achegar as evidencias científicas do proxecto ao debate europeo e analizar a posible convivencia dunha actividade pesqueira sostible e a conservación do medio mariño.
A Comisión Europea aprobou en 2022 o Regulamento que ditou as 87 vedas nos principais caladoiros históricos do palangre sen existir datos diferenciados do posible impacto por artes de pesca. Por este motivo, OPP Burela encargou ao IEO o proxecto Ispamer cun dobre obxectivo: caracterizar e definir tecnicamente como funciona o palangre “pedra-bóla” e analizar o seu posible impacto sobre os fondos mariños.
Os datos foron recollidos durante 3 anos en 55 mareas a bordo e 770 días de pesca, a maioría en zonas abertas á pesca, pero sobre as que hai xa unha proposta de futuro peche desde a DG Mare. Un dato revelador do proxecto é que o 90,9% das capturas son de pescada, especie demersal obxectivo da pesquería, cun volume mínimo de descartes, de só un 0,7%, que na súa maioría son exemplares que chegan aos barcos depredados por outras especies.
O IEO demostra que se trata dun palangre semipeláxico, mal considerado como de fondo e considera que “a ciencia corrobora os argumentos do sector e propón a compatibilidade do palangre pedra-bóla e os fondos mariños”.
Pola súa banda, OPP Burela demostrará con datos que o impacto deste Regulamento sobre a flota palangreira da pescada está a ser moi grave, con impactos económicos, sociais e ambientais moi claros, non sendo viable a súa subsistencia nestas condicións actuais.
Como conclusión, o proxecto Ispamer demostra que, á vista do seu mínimo impacto nos fondos, si é posible a convivencia entre a actividade da flota e o medio mariño. Pero tamén se demostra que esta flota non ten ningún futuro se se mantén a aplicación actual do Regulamento 2022/1614 coas 87 vedas nos caladoiros históricos da flota palangreira, polo que, á vista duns resultados tan contundentes, Cepesca, Europeche e OPP Burela urxen unha modificación da norma comunitaria cunha exención ao palangre “pedra-bóla” dirixido á pescada.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
