A Pontenova, 18 de xullo de 2025. A Asociación Equus Norte organiza a segunda edición da Rapa das Bestas de Neipín, que se celebrará o vindeiro 19 de xullo coa colaboración da Vicepresidencia da Deputación e do Concello da Pontenova.
A área de Rural, que impulsou a posta en marcha da rapa o ano pasado co financiamento da instalación do curro no Alto de Neipín, mantén o apoio económico á organización desta celebración arredor do mundo do cabalo.
Ademais de contribuír aos gastos derivados da propia xornada, a área dirixida por Daniel García impulsou este ano novas melloras co financiamento dun peche móbil para reter os animais nun lugar antes do inicio da actividade no curro e dun fito informativo, instalado xa a carón do propio curro.
Ali, presentouse o cartaz desta segunda edición da rapa que comeza na véspera , o 18 de xullo, con degutacións gratuítas de hamburguesas de carne de cabalo de Pura Raza Galega nos locais de hostelería da vila, no marco do programa de promoción de produtos de razas autóctonas Un gusto de rural, un rural de gusto.
O día da rapa -o 19 de xullo – a actividade comezará ás 11.30 horas coa entrada dos animais ao curro, onde as aloitadoras e aloitadores terán que rapalos e marcalos para logo devolvelos ao monte. Pola tarde, ás 16.30 horas, haberá unha demostración de doma de cabalos a cargo do Club Hípico Castiñeiros.
Na presentación do cartaz, a organización destacou a implicación coa rapa da veciñanza, que leva semanas interesándose pola data, e da hostelería da vila, que participa activamente nas degustacións e prepara actividades de dinamización propias como sorteos.
O deputado Daniel García celebrou “a boa acollida deste evento, que apoiamos desde o inicio, investindo na infraestrutura necesaria para organizar con público un traballo que xa se viña realizando para rapar e identificar os cabalos que se crían en liberdade na contorna” e reiterou o compromiso da área de Rural “con esta tradición que reflicte unha forma de vida e de relación cos animais e co territorio que forma parte do noso patrimonio”.
A rapa das bestas no Alto de Neipín súmase ás outras rapas con tradición na comarca da Mariña, a de Candaoso,en Boimente, en Viveiro, que se celebra esta fin de semana, e á do Campo do Oso, en Mondoñedo, que se celebrou a pasada fin de semana.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
