Lugo, 28 de agosto de 2026. A Xunta de Goberno activou este venres un millón de euros para melloras na mobilidade, cooperar cos concellos, apoiar a actividade económica, reforzar as políticas sociais e impulsar os servizos públicos. Así o anunciou o Deputado de Promoción Económica e Social, Pablo Rivera Capón, na rolda de prensa posterior á reunión semanal que tivo lugar na Sala de Xuntas do Pazo de San Marcos.
No que ten que ver coa mobilidade, “a Deputación continúa a poñer os recursos onde máis se necesitan: nas estradas, porque articulan a provincia e son fundamentais para o equilibrio territorial”. O Deputado explicou que a institución provincial destina preto de 700.000€ a mellorar a rede viaria da Pontenova, Xermade e Lourenzá.
Na Pontenova, a Deputación licitou por 239.524€ a mellora da rede viaria na parroquia de Conforto, unha actuación que permitirá renovar o firme, acondicionar a drenaxe e aumentar as prestacións e a seguridade de diferentes tramos de vías municipais que dá servizo á veciñanza.
Adxudicado tamén un proxecto en Xermade para a rehabilitación de diferentes tramos de catro estradas provinciais –LU-P-2201 e ramal, LU-P-2203, LU-P-2205 e LU-P-2213- que conflúen no núcleo urbano. Construcciones y Obras Taboada Ramos SLU é a adxudicataria nun prezo de 210.742,63€. “É unha actuación que permitirá mellorar o firme, a drenaxe e a sinalización e que terá un impacto directo na mobilidade diaria da veciñanza e no acceso aos servizos e actividades da capitalidade do municipio”.
Ovisa Pavimentos y Obras SLU resultou adxudicataria en Lourenzá, por 241.745,9€, dun proxecto para a mellora da drenaxe da LU-P-2804 entre Pedrón e A Cazolga ao longo de 4,2 quilómetros.
Mellora de edificios públicos e mobiliario urbano en Foz
A Xunta de Goberno da Deputación aprobou tamén colaborar con Foz cunha achega de 250.000€ para mellorar edificios públicos e adquirir mobiliario urbano. Un acordo que se enmarca na Cooperación cos Concellos e que permitirá, por unha parte, pintar a fachada e renovar a carpintería exterior do CENIMA e da Casa Consistorial; e por outra, adquirir mobiliario urbano: bancos, mupis e marquesiñas.
Festival Osa do Mar
Luz verde para colaborar coa entidade Fanto Fantini cunha achega de 30.000€ para a organización do Festival Osa do Mar 2026. Unha proposta que se celebrará en Burela entre o 2 e o 6 de setembro e que combina música, creación galega contemporánea e posta en valor do patrimonio da Mariña.
Osa do Mar conta cunha programación cultural ampla e accesible, con máis de 18 artistas e formacións, “e constitúe tamén un importante elemento de dinamización económica e turística da comarca, ao favorecer a actividade da hostalaría, o comercio e os servizos locais”, valorou Rivera Capón.
Reinserción penitenciaria
No ámbito social, a Deputación de Lugo destinará 23.900€ á Asociación Penitenciaria Concepción Arenal, para desenvolver o programa Motivación ao cambio, dirixido a persoas internas en centros penais e orientado a fomentar procesos de cambio persoal e facilitar a súa futura reinserción social.
Listas de emprego
Ademais a Xunta de Goberno aprobou este venres novas listas de emprego temporal para catro perfís profesionais: técnico de xestión, ATS-DUE, terapeuta ocupacional, fisioterapeuta. Unha medida que reforza a capacidade da Deputación para cubrir as necesidades de persoal e garantir a prestación dos servizos públicos provinciais.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
