Susana Méndez, coordinadora de Queremos Galego: “Convidamos todas as persoas que amen o galego a que participen na manifestación nacional do Día das Letras”
Queremos Galego tamén secunda a mobilización convocada pola Mesa para o vindeiro 10 de maio en apoio a Carlos Callón
Santiago de Compostela, 4 de maio de 2013.- O plenario da plataforma unitaria Queremos Galego reuniuse esta mañá en Santiago de Compostela para “pór a punto os motores organizativos” de cara á manifestación nacional que convocaron para o Día das Letras so o lema “Non queremos ser estranxeiras na propia patria. Queremos galego!” Esta marcha sairá ás 12 do mediodía da Alameda de Santiago de Compostela e finalizará na praza da Quintana.
A plataforma, da cal fan parte máis de 700 entidades, dispoñibilizará autobuses desde diferentes puntos de Galiza para as persoas que quixeren acudir. Toda a información porase na súa páxina web: www.queremosgalego.org Ademais, a coordinadora de Queremos Galego, Susana Méndez, apuntou que é posíbel descargar os materiais da convocatoria desde este enderezo web: http://www.amesanl.org/gl/mediateca/dir/mediateca/Cartaz+mani+17M+Queremos+galego
Méndez enfatizou o “convite” para que “todas as persoas que amen o galego participen na manifestación convocada para o Día das Letras”, pois “só a través da presión social constante poderemos garantir os nosos dereitos lingüísticos e o noso futuro como pobo”.
O plenario da plataforma tamén acordou apoiar a mobilización convocada pola Mesa para o vindeiro 10 de maio ás 10 h diante da Audiencia Provincial da Coruña, en apoio a Carlos Callón. O presidente da Mesa e portavoz de Queremos Galego será xulgado “de novo e de forma excepcionalísima nos procedementos xudiciais habituais” por unha denuncia realizada polo ex xuíz decano da Coruña, Antonio Fraga Mandián, despois de este afirmar “no tengo ningún rubor en usar La Coruña” nos documentos oficiais, a pesar de que a súa obriga como xuíz é cumprir e facer cumprir as leis.
Carlos Callón xa fora absolto en xaneiro deste ano do cargo de inxurias contra o ex xuíz decano da Coruña, quen reclamaba unha indemnización de 15.000 euros polo feito de o presidente da Mesa lle lembrar a súa obriga de cumprir a Lei de normalización lingüística tras unhas declaracións nas que o nalquel momento xuíz decano manifestaba que non tiña “ningún rubor en usar La Coruña” nos documentos oficiais. Na sentenza (que se pode consultar aquí), ademais de absolver ao presidente da Mesa e portavoz nacional de Queremos Galego, tamén se recordaba toda a lexislación que recoñece A Coruña como o único topónimo oficial, e sinalábase que é normal e lexítimo que as moi desafortunadas declaracións de Fraga Mandián fosen obxecto de crítica pública, como a realizada polo presidente da Mesa, e que esta estaba amparada pola liberdade de expresión.
Porén, nunha insólita decisión, a Audiencia Provincial da Coruña decidiu repetir o xuízo, aceptando o recurso presentado por Fraga Mandián e concedéndolle a vista co fin de repetir o proceso cun novo xuíz, algo moi pouco habitual, moito menos cando se recorre unha sentenza absolutoria.
A caza de bruxas contra os que defendemos o galego continúa. Por ese motivo a plataforma Queremos Galego secunda a mobilización convocada pola Mesa para o día 10 de maio diante da Audiencia Provincial da Coruña.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
