O Valadouro 13-5-17. A Concellería de Cultura do Concello de Valadouro informa da completa e detallada programación en torno ao 17 de maio, o Día das Letras Galegas que este ano homenaxea ao escritor Carlos Casares.
A programación iníciase na véspera ao 17 de maio, o martes 16 ás 12:00 horas co espectáculo da coñecida contacontos Sole Felloza chamado ” Unha viaxe ao mundo de Carlos Casares” O mundo Casares ten galiñas azuis, laranxas máxicas, galos especiais, polbos que percorren as rías no alto dunha dorna, cartas viaxeiras, bicicletas valentes. A traves das historias percorreremos un universo creado a partir de feitos cotiás, que se volven máxicos nun intre.
Posteriormente haberá entrega de diplomas do Certame de Narración e debuxo infantil O Valadouro ás 15:30.
O 17, Día grande das Letras Galegas comenza ás 20:00 coa conferencia de Lionel Rexes que disertará sobre a Vida e Obra de Carlos Casares.
Posteriormente será o turno da música en galego, con cantigas populares do grupo de cantareiras da Asociación Cultural Amado Lar.
Toda esta intensa xornada rematará cunha obra de teatro “A rá que se quedou sen charco” interpretada polo grupo A Adala infantil de Fazouro.
Todos os actos programados serán celebrados no Salón de Actos do Centro Socio-Cultural, Xuvenil e da Terceira Idade “Manuel Lourenzo”
Dende esta Concellería de Cultura convídase a todos os veciños e visitantes a asistir e participar desta gran festa da lingua e cultura galega.