Se non fose por que é un asunto ben serio, faríanme gracia estas últimas declaracións do alcalde, Daniel Vega, cando di que o da falta de pediatra é un problema solucionado grazas ás súas xestións dos últimos días ante a Xunta de Galicia.
Aínda que o alcalde xa nos ten afeitos a este tipo de manifestacións e quere facernos ver que o mundo xira grazas a el, voulle aclarar varias cousas:
Di que fixo xestións nestes últimos días. Pois ben podía telas feito antes porque hai que recordarlle que este problema está enquistado desde o pasado 5 de decembro do 2.023 e se tivese feito xestións nese momento teríanos evitado todo este padecemento durante tanto tempo.
Tamén di que desde hoxe xa hai pediatra, pero a verdade é que se desde hoxe vai haber servizo de pediatría todos os días, do cal nos alegramos, é porque a profesional titular desa praza en Ribadeo incorporouse ao seu posto de traballo despois dun período de baixa laboral desde o mes de decembro do ano pasado. E que o alcalde pretenda facernos crer que a reincorporación desa profesional se debe ás súas xestións, cando durante seis meses non fixo absolutamente nada, é o mesmo que burlarse de todos os veciños e veciñas
O problema é que durante todo este tempo case 1.000 nenos e nenas de Ribadeo, e máis do veciño concello de Trabada, non tiveron a atención sanitaria que se merecen porque a consulta de pediatría só foi atendida catro ou cinco horas á semana e provocou contratempos e retrasos na atención ou adiamentos das revisións establecidas, por exemplo as do Programa Neno San.
E o problema é que isto pode volver a pasar no futuro en calquera momento. Ninguén está libre dunha baixa laboral; todos os traballadores teñen dereito aos seus períodos de descanso e de vacacións e o que ten que haber son profesionais e recursos suficientes, un sistema sanitario ben dimensionado e ben dotado para prestar o servizo ao que todas e todos temos dereito. Iso é o que dende o BNG lle demandamos á Xunta de Galicia, que é a responsable, e ao seu paladín en Ribadeo.
Menos palabrería e máis feitos.
Pablo Vizoso Galdo.
Portavoz Municipal do BNG Ribadeo.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
