Burela, 27 de abril de 2022. O alcalde de Burela, Alfredo Llano, e o tenente de alcalde, Ramiro Fernández, recibiron á futbolista Lola Muñoz tras proclamarse subcampioa xunto coa selección galega no campionato estatal infantil celebrado este mes en Salou.
Desde o Concello de Burela realizaron unha recepción institucional á porteira do Pescados Rubén Burela FS, que con tan só 13 anos, xa destaca no fútbol sala autonómico, sendo “un orgullo para todos nós este logro co que volve a Burela”, afirmou o rexedor.
Na final do campionato fronte á selección catalana, Muñoz tivo unha actuación destacada con Galicia, parando un penalti e recibindo o recoñecemento por parte de dous gardametas referentes no fútbol sala mundial como son Paco Sedano e Luis Amado.
Alfredo Llano e Ramiro Fernández fixeron entrega á futbolista dun agasallo institucional e déronlle os parabéns “por todo o sacrificio e os adestramentos, que agora vense recompensados con este excelente resultado do que todos sentimos orgullo”. Ademais, sinalaron “o importante que é apoiar o deporte feminino e ver como rapazas tan novas como Lola Muñoz xa son referencia para o deporte en Burela, especialmente para todas as nenas e nenos que poden ver nela un exemplo a seguir de traballo e esforzo para conseguir todas as metas que unha persoa se propoña”.
Finalizaron a recepción augurando “moitos éxitos” para a gardameta e trasladando o apoio non só do concello, senón de todo o pobo de Burela para continuar con esta senda “tan impecable como meritoria”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
