A pasada Semana Santa, os trailers da Panorama desembarcaban diante da nosa ventá, e tivemos que fuxir a un hotel na Veiga onde gastamos 70€ para poder durmir pola noite. Non entendín que tiña que ver a Semana Santa coa Panorama, pero xa vin que non foi unha excepción, seica vai sendo a nova normalidade ruidosa en Ribadeo.
Sabemos que os medicamentos que curan enfermidades teñen a miudo efectos secundarios, e que eses efectos son maiores se o medicamento se consume en grandes doses ou por periodos prolongados. Pois ben, está a medrar entre a veciñanza ribadense -xa non son eu nada máis- a opinión de que estamos a sobordar o límiar de tolerancia de festas e verbenas como menciña para a economía local, e especialmente das nocturnas.
Á dose das festas tradicionais, ben toleradas agardadas con gañas no entroido, Semana Santa, san Xoan, san Roque, a Patroa e o nadal, foise engadindo novos eventos -de grande aceptación e case sempre da man do gremio hostaleiro- coma o tapeo, o carnaval de verán, os indianos, o guateque, festivais musicais varios, o Samain ou o mercado de nadal que aínda deixaban no ano fins de semana “normais”, libres para as actividades culturais, charlas, presentacións, debates, teatro,… das que sempre gozamos na nosa vila. Teño pra min que nese punto acadamos ese limiar.
Porén, nestes últimos anos están a aparecer, a maiores, multitude de novos eventos que mesmo se solapan entre eles, tanto mercadiños, coma exposicións varias ou simples concentracións que se acompañan cada vez máis de concertos e mesmo barras de bar propias e tenden a alongarse ate a madrugada. Organizados ás veces por unha Consellería, ás veces polo Concello, outras polo Xacobeo e as máis por unha asociación calquera, de súpeto plantanche unha disco móbil diante da ventá.
Seica hoxe calquera asociación ou empresario particular pode impulsar o seu propio festival, quedada ou evento e conseguir o necesario permiso para saltarse o límite legal do ruido en horario nocturno, privando a centos de ribadenses do seu dereito ó descanso con música a todo volume ate as 4 da mañá calquera festivo, véspera ou fin de semana en calquera rúa da nosa vila: prohibido durmir, é festivo!
A cousa é que a este respecto a Lei é clara: o Artigo 12 do Decreto 106/2015 sobre contaminación acústica de Galicia di que non se pode facer ruido entre as 11 da noite e as 8 da mañá. E polo tanto se os concertos e DJs na vía pública de Ribadeo operan nese horario protexido, o Concello está obrigado a aplicar o seu Artigo 7 Suspensión provisional dos obxectivos de calidade acústica, que dispón “O Concello ten a facultade de suspender os límites de ruído habituais de xeito temporal e ocasional con motivo de eventos oficiais, culturais ou festas patronais”.
Ollo, fálase de eventos oficiais, culturais e festas patronais, non dun local que lle dá por atraer clientes cun DJ. E ollo de novo, fálase de “ocasionalidade”: ocasionalidade non é todas as fins de semana nin dúas por mes. E ollo por terceira vez: a suspensión require “unha resolución municipal expresa antes do evento que fixe obrigatoriamente os límites horarios de finalización e os niveis máximos de ruído permitidos” cuxo cumprimento a policía local deberá controlar. Non é un “cheque en branco” á organización.
Chegados a este punto un grupo de persoas, veciñas da vila, estamos a recoller firmas para solicitar ó Concello que se limite a unha cantidade racional tanto o número de festas nocturnas coma os horarios de peche das mesmas e os decibelios permitidos, para acadar en Ribadeo un equilibrio razoable entre o dereito ó descanso nocturno da “maioría silenciosa” e o dereito á diversión da “minoría ruidosa” -minoría da que todas facemos parte un día ou outro-. Aproveito para lembrar que temos na vila hai décadas locais insonorizados nos que podemos gozar ate ben tarde do segundo sen molestar ó primeiro.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
