Unha iniciativa promovida polo Concello de Viveiro coa colaboración do CD CAMOVI que celebrarase os días 17 e 18 de outubro e incluirá a MIC, a 10K Cidade de Viveiro e a MIC Kids
Viveiro, 21 de agosto de 2026. O Concello de Viveiro presentou hoxe a Milla Internacional do Cantábrico (MIC), un novo evento deportivo que se celebrará os vindeiros 17 e 18 de outubro e que converterá a cidade nun referente do atletismo urbano.
Esta nova aposta do Concello de Viveiro, organizador da cita xunto ao CD CAMOVI, reunirá durante unha fin de semana a Milla Internacional do Cantábrico, a 10K Cidade de Viveiro e a MIC Kids, ademais dun programa de actividades paralelas pensado para que deportistas, familias e visitantes poidan vivir unha auténtica festa do atletismo.
A presentación serviu tamén para recoñecer ao atleta olímpico viveirense Adrián Ben, embaixador do evento.
A alcaldesa de Viveiro, Mariña Gueimunde, destacou que esta iniciativa vai moito máis alá dunha competición deportiva: “Este evento axudaranos a seguir posicionando Viveiro como un destino atractivo durante todo o ano, dinamizando a economía local e promovendo valores como a práctica deportiva, a vida saudable e a participación cidadá. Queremos que Viveiro sexa tamén un referente pola calidade dos eventos que organiza”.
A rexedora agradeceu o traballo realizado polo CD CAMOVI e por todas as persoas e entidades implicadas para facer realidade este proxecto, que nace coa vocación de consolidarse dentro do calendario nacional.
Pola súa banda, Adrián Ben mostrou a súa satisfacción por formar parte da iniciativa desde o seu inicio: “É un orgullo que un evento deste nivel naza en Viveiro. A MIC permitirá achegar o atletismo de elite á nosa comarca e inspirar ás novas xeracións. Estou convencido de que será unha cita que medrará ano tras ano”.
Desde a organización explicouse que a Milla Internacional do Cantábrico nace como unha marca propia para proxectar Viveiro dentro e fóra de Galicia, combinando deporte, turismo e promoción do territorio. Así mesmo, destacouse o apoio institucional recibido e o papel fundamental do voluntariado e das empresas colaboradoras para facer posible o evento.
A programación combinará competición de máximo nivel con actividades para todos os públicos, incluíndo música en directo, encontros con atletas, sinatura de autógrafos, sorteos e unha zona de meta pensada para o desfrute de corredores e visitantes.
Baixo o lema “Tres eventos. Un mesmo escenario. Unha gran cita co atletismo”, a MIC reunirá atletas nacionais e internacionais, corredores populares e centos de nenos e nenas nunha fin de semana que aspira a converter Viveiro na gran capital do atletismo urbano do norte.
As inscricións abriranse este venres 31 de xullo ás 21:00 horas a través de mic.gal e ccnorte.com. Ademais, mic.gal será a web oficial do evento, onde poderá consultarse toda a información actualizada sobre as probas, o programa completo da fin de semana, percorridos, regulamentos e todas as novidades da primeira edición da Milla Internacional do Cantábrico.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
