Ameijide asegura que “o goberno provincial segue sen apoiar ás persoas: non só con anos de desatención á rede viaria; senón tamén cos atrasos na construción das residencias comprometidas ou coa aplicación, dun mes para outro, dunha suba drástica das tarifas aos usuarios que Carmela López ten a triste honra de protagonizar”
Lugo, 21 de agosto de 2026. O portavoz do PP, Antonio Ameijide, asegura que “asistimos á rolda de prensa das escusas e desculpas de Carmela López” toda vez que “se centrou, principalmente, en responder ao Grupo Popular. É dicir, “di ben pouco da súa propia xestión se ten que rebater cada unha das críticas que, oxalá, non tiveramos que facer dende o Partido Popular”.
Ameijide asegura que “as nosas denuncias están máis que fundadas porque o goberno provincial de PSOE e BNG presidido por Carmela López continúa instalado no sectarismo” afectando tanto aos Concellos máis grandes coma aos máis pequenos. “A proba máis evidente é a baixada dende os 350.000 euros aos 50.000 euros de colaboración coa capital da provincia para as festas do San Froilán ou o incumprimento do acordo asinado co Concello de Folgoso do Courel para a construción dunha residencia no municipio deixando tirados aos veciñas e veciñas”. Ao respecto, considera que “o motivo non é outro que o da cor política dos seus gobernos”.
O portavoz provincial incide en que “as decisións de Carmela López continúan secuestradas por Tomé, García Porto, o PSOE e o BNG”. E subliña que “os convenios a dedo continúan teledirixidos aos mesmos, ás mesmas cores políticas. Por moito que asegure que chegan a todas as comarcas, os beneficiarios dos fondos provinciais son Concellos gobernados por PSOE e BNG considerando cidadáns de segunda a máis da metade dos lucenses. O Concello de Lugo queda fóra desta colaboración e con moitos outros xa nin se espera dende fai anos”. Polo tanto, “nada de igualdade”.
A presidenta vén a dar tamén a razón ao Grupo Provincial Popular sobre a necesidade de mellorar a rede viaria provincial que sofre as consecuencias de anos de abandono por parte de PSOE e BNG. “Se actualmente actúan en vías dos termos municipais de concellos gobernados polo Partido Popular é porque non actuaron dende fai moito tempo e, ademais, porque constitúen máis da metade do territorio da provincia”, asegura. Ademais, cuestiona a “brevidade e inmediatez” sobre as obras de emerxencia na rede viaria provincial toda vez que “tardaron 8 meses en sacar a a licitación a redacción do proxecto da ponte caída en Navia de Suarna”. E recorda que “na información facilitada polo propio goberno provincial sobre os destinos do parque móbil para a limpeza de cunetas nos primeiros meses do 2026 reflicte claramente o sectarismo da Deputación: de 15 municipios beneficiados, só 4 estaban gobernados por alcaldes ou alcaldesas do Partido Popular”.
“O goberno provincial segue, ademais, sen apoiar ás persoas. Non só con anos de desatención á rede viaria; senón tamén con atrasos na construción das residencias comprometidas ou coa aplicación, dun mes para outro, dunha suba drástica das tarifas aos usuarios. Carmela López ten a triste honra de ter subido ata un 60% o custe da praza dun mes para o outro”, subliña.
Ameijide incide no “fracaso da xestión de PSOE e BNG” porque, despois de catro presidentes socialistas, “non foron capaces de cumprir o prometido para a rede provincial de centros de atención a maiores”. Na actualidade a Deputación de Lugo conta con varias con obras paralizadas, outras obras sen iniciar e no caso da residencia de Becerreá está pendente o seu equipamento e cociña que deberían terse completo fai anos e que non se impulsou ata que houbo unha sentenza condenatoria contra a Deputación de Lugo. Así mesmo, “a reversión dos terreos para a residencia de Folgoso do Courel ao Concello ante o incumprimento do goberno de PSOE e BNG, certifica a falta de vontade por cumprir un acordo asinado fai oito anos”.
O CONCELLO DE LUGO, EXEMPLO DO SECTARISMO DO GOBERNO PROVINCIAL
Ameijide asegura que “Carmela López e o goberno provincial de PSOE e BNG deixan tirados aos veciños e veciñas do concello de Lugo” evidenciando que “o seu sectarismo á hora de gobernar a Deputación Provincial está máis enraizado que nunca”.
Así, pon como exemplo “non só a retirada dun apoio que historicamente recibían as festas de Lugo; senón a falta de implicación coa praia fluvial” toda vez que “se negan a colaborar na tramitación nun exercicio de total pasotismo coas necesidades da capital da provincia”. Así, cre que “os veciños e veciñas de Lugo desapareceron das preocupacións do goberno provincial”.
“E todo isto súmase a anos de abandono do patrimonio provincial como se evidencia no quiosco Mirador do Campus de Lugo”, conclúe.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
