Haberá servizo especial de autobuses entre Viveiro e O Naseiro
Viveiro, 21 de agosto de 2026. O Concello de Viveiro informa á veciñanza e ás persoas asistentes da necesidade de cumprir coas normas establecidas para garantir a seguridade, o respecto ao medio ambiente e a boa convivencia durante a tradicional Romería do Naseiro, que se celebrará entre os días 21 e 26 de agosto.
A alcaldesa, Mariña Gueimunde, subliñou que “o obxectivo é que toda a cidadanía poida gozar desta festa tan querida, preservando ao mesmo tempo a seguridade das persoas, o entorno natural e a convivencia entre romeiros”.
Segundo recolle o bando municipal, lembra á veciñanza o seguinte:
Recoméndase ás persoas romeiras estar atentas ás indicacións e instrucións facilitadas pola Comisión de Festas para a instalación dos plásticos e o peche das mesas e parcelas.
Debido ás actuais condicións meteorolóxicas, caracterizadas polas altas temperaturas e a escaseza de precipitacións, recoméndase non utilizar petardos, fogos artificiais nin ningún tipo de material pirotécnico, así como evitar a realización de barbacoas ou calquera tipo de lume, por razóns de seguridade.
Habilitaranse sanitarios nas inmediacións, pregándose o seu adecuado uso.
Os residuos deberán depositarse nos colectores instalados, respectando a recollida selectiva.
Todos os obxectos e materiais empregados deberán retirarse ao rematar a romaría, habilitándose puntos específicos de recollida.
A romaría celébrase nun espazo natural protexido da Rede Natura 2000, polo que é imprescindible respectar o entorno e as normas de protección vixentes.
O Concello solicita a colaboración de todas as persoas asistentes para o bo desenvolvemento da festa e deséxalles que gocen dun feliz Naseiro 2026.
Horarios de autobuses
Para facilitar os desprazamentos, o Concello de Viveiro tamén informa dos seguintes servizos especiais:
Saída: Praza de Lugo.
Destino: Naseiro.
Horario: Desde o venres 21 de agosto ás 18:00 horas ata o mércores 26 de agosto ás 11:00 horas.
Frecuencia según demanda, máximo cada 30 minutos.
Prezo: 1,60 € por viaxe.
Bonificacións: Tarxeta xente xove e persoas maiores de 65 anos.
Considerada unha das celebracións máis emblemáticas do municipio e declarada de Interese Turístico Galego, a romaxe ofrecerá durante seis xornadas diferentes propostas, entre as que se inclúen actuacións musicais, sesións vermú, verbenas, actos relixiosos e actividades especialmente pensadas para as familias.
A programación comeza o venres 21 de agosto, Día do Polbo, coa actuación da Batukada KomBarullo.
O sábado 22 terá lugar ás 13:30 horas a misa na Capela do Campo da Festa, seguida da procesión. A continuación, a sesión vermú e a verbena estarán amenizadas pola Orquestra Platinum e o Grupo Pasión.
O domingo 23, tamén ás 13:30 horas, celebrarase a misa cantada pola Coral Polifónica Alborada de Viveiro e a posterior procesión. A xornada contará ademais coas actuacións da Orquestra La Oca Band e o Grupo M3 Show durante a sesión vermú e a verbena.
A programación continuará o luns 24 de agosto coa Orquestra Fuego e o Grupo Arizona, encargados de amenizar a sesión vermú e a verbena.
O martes 25, o Dúo Belinda será protagonista da xornada, que contará tamén coa música de Hermo durante a sesión vermú e a verbena.
A romaxe pechará a súa programación o mércores 26 de agosto, Día do Neno, cunha xornada dedicada especialmente aos máis pequenos, que poderán desfrutar das atraccións instaladas no Campo da Festa a prezos populares.
A Romaxe do Bo Xantar de Naseiro volverá así reunir veciñanza e visitantes nunha das grandes citas do calendario festivo de Viveiro, mantendo viva unha tradición ligada á gastronomía, á música e á convivencia e ofrecendo propostas para desfrutar en familia e con amigos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
