A experiencia e compromiso do actual equipo de goberno avala a candidatura, que suma nos primeiros postos a Vicente Castro
Ribadeo, 23 de abril de 2023. O BNG de Ribadeo presentou esta tarde a candidatura para as eleccións do 28 de maio, liderada por Pablo Vizoso Galdo.
Un equipo de vintetrés persoas para renovar o goberno municipal e dar continuidade ao traballo desenvolvido nos últimos anos.
Seis novas incorporacións, mulleres con diferentes perfís profesionais, reforzan un grupo que suma a experiencia de xestión acumulada polos diferentes gobernos do BNG en Ribadeo.
Concelleiras e concelleiros deste mandato repiten nos postos de saída da candidatura, aos que volve Vicente Castro Reigosa, que fora concelleiro de Economía e Facenda.
“Presentámonos con toda a ilusión, con proxectos sólidos e coa confianza que nos dá o bo traballo feito ata agora”, dixo Pablo Vizoso Galdo, que reivindicou a bagaxe dos vinte anos dedicados ao concello de Fernando Suárez Barcia.
O candidato do BNG indicou que “nos últimos catro anos Ribadeo experimentou un cambio positivo, mais sabemos que aínda queda moito traballo por facer. Cremos en Ribadeo, nas súas posibilidades e na súa xente, porque para nós o mais importante son as persoas, a igualdade de oportunidades e a mellora da súa calidade de vida”.
“Á experiencia acumulada ao longo destes anos sumamos a determinación das novas incorporacións, o noso compromiso no goberno e na xestión das institucións, e a nosa capacidade de xerar novos proxectos”, explicou durante o acto, no Parador de Turismo de Ribadeo.
E engadiu: “presentámonos como un equipo serio, fiable, solvente e responsable. Seguimos crendo firmemente no respecto polos cidadáns, no traballo conxunto na defensa dos intereses de Ribadeo e no diálogo permanente coa sociedade”.
1.PABLO VIZOSO GALDO. Corredor de Seguros. Na actualidade, concelleiro de Economía, Desenvolvemento Local e Turismo.
2.MÓNICA FREIRE RANCAÑO. Enxeñeira agrónoma, funcionaria da Consellería de Medio Rural. Na actualidade, concelleira de Servizos Sociais, Igualdade e Obras e deputada provincial de Medio Rural, Mar e Mocidade
3.VICENTE CASTRO REIGOSA. Traballador do sector bancario. Foi concelleiro en anteriores mandatos do BNG.
4.JORGE DÍAZ FREIJE. Sector do comercio. Na actualidade, concelleiro de Deportes e Medio Ambiente.
5.PILAR OTERO CABARCOS. Profesora de Lingua e Literatura. Na actualidade, concelleira de Cultura e Consumo.
6.MARCOS ANTONIO VILLAMIL MARTÍNEZ. Bombeiro. Presidente da asociación apícola Os Abelleiros. Presidente da asociación de produtores de madeira de Ribadeo Promarriba. Na actualidade, concelleiro de Medio Rural.
7. MARTÍN GRAÑA PÉREZ Graduado en Historia. Estudante de Dereito. Secretario da comunidade de montes de Piñeira “Os Chaos”. Persoa moi activa no ámbito da mocidade
8.RAQUEL FERREIRA ÁLVAREZ. Enfermeira no Hospital Público da Mariña. Nova na candidatura.
9.LUCÍA BALEA VAZQUEZ. Enfermeira no Hospital Público da Mariña. Membro do Comité de Ética Asistencial da Área Sanitaria de Lugo, A Mariña e Monforte. Nova na candidatura.
10.PEDRO FERNÁNDEZ VILLAMIL. Axente forestal. Repite na candidatura.
11.PATRICIA DÍAZ LÓPEZ. Hostalaría. Ocio e coidado infantil. Nova na candidatura.
12.VANESA YANES RIVAS Clínica de odontoloxía. Foi concelleira en anteriores mandatos do BNG.
13.XOSÉ FARRUCO GRAÑA RAMA. Profesor de Filosofía. Foi concelleiro en anteriores mandatos do BNG.
Suplentes
S1.MARÍA NOVO FERNANDEZ. Empresaria. Ocio e coidado infantil. Nova na candidatura.
S2.DAVID RIVAS PEÑA. Deseñador gráfico. Na actualidade, concelleiro de Ensino e Mocidade.
S3.EVA IGLESIAS LÓPEZ. Estudante de Psicoloxía. Especialidade de Recursos Humanos e Psicoloxía Social. Nova na candidatura
S4.XOAN ANTÓN MONASTERIO LÓPEZ. Xubilado. Foi funcionario municipal. Integrante da asociación de sendeirismo Pena Tallada
S5.OLIVIA REY SOTO. Empregada nunha cadea de alimentación. Nova na candidatura.
S6.JOSÉ ROCHA FERNANDEZ. Funcionario provincial de Costas. Repite na candidatura.
S7.MARÍA ÁNGELES FUENTE VERDEAL. Traballadora do sector servizos. Repite na candidatura.
S8.ÓSCAR CHAO PENABAD Profesor de Bioloxía. Repite na candidatura.
S9.MARÍA DA PAZ ERMIDA IGREXAS. Xerente de superficie comercial. Foi concelleira en anteriores mandatos do BNG.
S10.FERNANDO SUÁREZ BARCIA. Funcionario. Alcalde.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
